АКШнын президенти Дональд Трамп Польшада АКШ базасын түзүү боюнча олуттуу ийгиликтерге жетишкенин жана жакында жаңы базанын жайгашкан жерин жарыялай турганын билдирди.
Президент Трамп өзүнүн Truth Social аккаунтундагы билдирүүсүндө, Польша менен АКШнын ортосундагы аскердик кызматташтыкка байланыштуу маанилүү өнүгүүнү жарыялады.
Польшанын президенти Карол Навроцкийдин "кайраттуу лидерлигине" шилтеме жасаган Трамп: "Польшада АКШнын аскердик базасын түзүү боюнча олуттуу ийгиликтерге жетишилүүдө. Эгер бул ишке ашса, базанын жайгашкан жери жакында жарыяланат", - деп билдирди.
АКШнын президенти бул кадам эки өлкөнүн ортосундагы союздаштык үчүн "тарыхый" кадам болорун баса белгиледи.
Польша лидерлери Трамптын билдирүүсүн кубатташты
Польша президенти Карол Навроцкий өзүнүн X социалдык медиа аккаунтунда президент Трампка сөздөрү, достугу жана Польша-АКШ өнөктөштүгүнө бекем берилгендиги үчүн ыраазычылык билдирип, алар коргонуу кызматташтыгын олуттуу жана жоопкерчиликтүү түрдө биргелешип бекемдөөгө даяр экенин айтты.
Наворцкий Польша өкмөтү АКШнын аскердик базасы үчүн мүмкүн болушунча эң жакшы жерди камсыз кылуу үчүн колунан келгендин баарын жасай турганын баса белгиледи.
Польшанын вице-премьер-министри жана улуттук коргонуу министри Владислав Кошиняк-Камыш да Xтеги постунда Трамп менен Навроцкинин ортосундагы жакшы кызматташтык оң натыйжаларды бергенин айтып, "Бул биздин стратегиялык кызматташтыгыбыздын маанилүү далили. Польшада туруктуу америкалык базаны түзүү боюнча бардык аракеттериңиз үчүн рахмат. Биз коопсуздугубуз үчүн биргелешип иштеп жатабыз" деп билдирди.
