Түркиянын футбол боюнча улуттук курама командасы D тобундагы экинчи беттешинде Парагвайга 1:0 эсебинде утулуп 2026 ФИФА Дүйнөлүк кубогунан чыкты.

Калифорниянын Санта-Клара шаарындагы Сан-Франциско булуңундагы стадиондо өткөн беттеште Парагвайдын голун Матиас Галарза оюндун 65-секундасында киргизди. Бул турнирдеги эң эрте киргизилген гол болду.

Парагвайлык Мигель Альмирон биринчи таймдын аягында Мерт Мүлдүр менен болгон талаш-тартышта оозун колу менен жапканы үчүн түздөн - түз кызыл карточка алды. Видео жардамчы калыстын (VAR) изилдөөсүнөн кийин кабыл алынган бул чечим ФИФАнын Дүйнөлүк кубоктогу дискриминациялык тилди жашырууга жол бербөөгө багытталган жаңы эрежесинин биринчи учуру болгону кабарланууда.

Атаандаш команда 10 киши калгандан кийин, Түркия бтопко 80 пайыз ээ болду, 32 жолу сокку уруп, 12 жолу бурчтан сокку урду. Бирок Парагвайдын коргонуусун жана дарбазачысын өтө албаган улуттук курама команда теңдөөчү голду киргизе алган жок.

Биринчи беттешинде Австралияга 2:0 эсебинде утулган Түркия Парагвайга каршы упай топтой алган жок, эки беттештен кийин нөл упай менен калды. Бул жыйынтык менен жана D тобундагы жыйынтыктарды эске алганда, улуттук курама команданын 32-турга чыгуу мүмкүнчүлүгү калган жок.

Парагвай болсо алгачкы жеңишине жетишип, тайпадан чыгуу үмүтүн акыркы оюнга калтырды. Түркия тайпадагы акыркы беттешин 25-июнда үй ээси — Америка Кошмо Штаттарына каршы ойнойт.