Бириккен Улуттар Уюму Израиль аскерлеринин курчоого алынган Газага абадан күчөтүлгөн соккусу карапайым калк үчүн кыйраткыч кесепеттерге алып келерин эскертти.
Гуманитардык иштерди координациялоо кеңсесине (OCHA) шилтеме жасаган БУУнун басма сөз катчысы Стефан Дужаррик:"Израиль күчтөрү акыркы 24 сааттын ичинде чабуулдарын күчөтүп, карапайым калк үчүн кыйраткыч кесепеттерге алып келди. Бул орточо эсеп менен ар бир сегиз же тогуз мүнөт сайын бирден абадан бомбалоо деген маанини билдирет", - деп билдирди журналисттерге
Дужаррик БУУнун топтору калктын кыймылын көзөмөлдөп жатканын жана бейшемби күнү Газанын түндүгүнөн түштүгүнө болжол менен 16 500 кишинин жер которгонун айтты.
Дужаррик жардам көрсөтүүчү кызматкерлердин жер которуу маршруттарында психосоциалдык биринчи жардам көрсөтүү, зарыл болгон учурда адамдарды адистештирилген кызматтарга багыттоо жана жаңы келгендерди жарылбаган ок-дарылардын коркунучу тууралуу маалымдоо үчүн иштеп жатканын кошумчалады.
Өкүл, бул аракеттерге карабастан, жүз миңдеген адамдын Газа шаарында кеңири коопсуздук коркунучтарына дуушар болуп, гуманитардык жардамга көз каранды экенин, көптөгөн маанилүү кызматтардын жабылууга же башка жерлерге көчүрүлүүгө аргасыз болгонун билдирди.
Дужаррик Израилдин гуманитардык жардамга жетүүгө тоскоолдук кылышы боюнча: "Биз Газанын ар кайсы аймактарындагы адамдарга жардам көрсөтүү үчүн Израилдин бийликтери менен координациялоого аракет кылып жаткан 15 демилгенин ичинен жетиси гана толук жеңилдетүү болду",- деп билдирди.
Дужаррик OCHAнын Израилге "гуманитардык операцияларды толугу менен жеңилдетүүсү, жардамдар Газа тилкесине барганга чейин жана аймак ичинде жардамдын тоскоолдуксуз жүрүшүнө шарт түзүүгө" чакырганын баса белгиледи.
Батыш Шериага да токтолгон Дужаррик 2023-жылдын октябрынан бери жарымы балдар болгон 3 миңден ашуун палестиналыктын израилдик отурукташуучулардын мыйзамсыз кол салуулары жана Израилдин кирүү чектөөлөрүнөн улам жер которууга аргасыз болгонун айтты.
БУУ Израилдин Газага карата уланып жаткан согушунун гуманитардык чыгымы тууралуу бир нече жолу эскерткен. Газанын Саламаттыкты сактоо министрлигинин маалыматы боюнча, 2023-жылдын октябрынан бери 65,400дөн ашуун адам каза болду жана БУУ бул сандарды ишенимдүү деп эсептейт.
