Украинанын дрондору түн ичинде Россиянын Ярославль облусундагы мунай иштетүүчү заводго жана Ростов-на-Донудагы трансформатордук подстанцияга зыян келтирди. Украина бийликтери Киев жана Одессага жасалган орус чабуулдарынан улам адам өмүрүнө зыян келтирилгенин жана материалдык чыгым болгонун билдирди.
Ярославль облусунун губернатору Михаил Евраев орус Max социалдык медиа платформасынан берген билдирүүдө абадан коргонуу системалары аймактын үстүнөн 65 дронду атып түшүргөнүн билдирди.
Евраев чабуулда Ярославлдагы мунай иштетүүчү заводго зыян келтирилип, өрт чыкканын, ошондой эле айрым батирлердин жана унаалардын терезелеринин талкалаганын айтып, эч кимдин жабыркабаганын кошумчалады.
Ошол эле учурда Ростов облусунун губернатору Юрий Слюсарь дрондордун сыныктары Ростов-на-Дону шаарындагы трансформатордук подстанцияга зыян келтирип, натыйжада шаардын төрт районунда электр жарыгы өчкөн.
Слюсарь алты жеке турак үй жана кошумча курулуштардын да жабыркаганын, бирок эч кандай адам өлүмү катталбаганын билдирди.
Ошол эле учурда Москванын мэри Сергей Собянин борбор шаарга карай бара жаткан алты дрондун атып түшүрүлгөнүн билдирди бирок кенен маалымат берген жок.
Украинада көп сандаган киши жаракат алды
Украинанын Киев шаарынын мэри Виталий Кличконун маалыматына караганда, Россиянын түнкү чабуулдарынан борбор шаардын бир катар райондорундагы турак жайлар жана башка имараттар зыянга учурады.
Кличко 16 адам жаракат алганын, алардын тогузу ооруканага жаткырылганын билдирди.
Одессада 19 кабаттуу көп батирлүү үйдүн 14, 15 жана 16-кабаттарындагы батирлердин жабыркаганы кабарланды. Өлүм же жаракат алуу фактылары катталган жок.
Окуялар Россия менен Украина бири-биринин инфраструктурасына жана башка объектилерине дрон чабуулдарын улантып жаткан маалда болду.
