Президент Режеп Таййип Эрдоган Пакистандын премьер-министри Шахбаз Шариф менен телефон аркылуу сүйлөшүп, Түркиянын Индия менен Пакистандын ортосундагы чыңалууну басаңдатуу үчүн бардык аракеттерди көрүүгө даяр экенин билдирди.

Президенттиктин Коммуникация башкармалыгынын маалыматына караганда, шаршемби күнү өткөрүлгөн бул сүйлөшүүдө Индия менен Пакистандын ортосундагы чыңалуу, 6-майдын түнүндө болгон кол салуу жана акыркы абалдар талкууланды.

“Эрдоган Түркиянын Пакистан менен тилектештигин билдирип, кол салууда шейит болгон пакистандыктар үчүн көңүл айтты жана жаракат алгандардын тезирээк сакайып кетишин каалады”,-деп кабарланды.

Президент Эрдоган Анкаранын Пакистандын бул процесстеги сабырдуу мамилесин колдогонун баса белгиледи.

Түркиянын президенти, Пакистандын 22-апрелде Жамму-Кашмирде болгон кол салууга байланыштуу калыс, ачык жана ишенимдүү эл аралык иликтөө жүргүзүү сунушун туура деп эсептеди.

Шаршемби күнү Исламабад Индиянын «Синдур операциясы» учурунда Пакистанда жана Пакистан башкарган Кашмирде кеминде 26 жайкын тургун каза болуп, 46 кишинин жаракат алганын кабарлады.

Жаңы Дели болсо Пакистандагы “террордук инфраструктураны” бутага алганын билдирди.