Министрликтин жазуу жүзүндөгү билдирүүсүндө Түрк Мамлекеттери Уюму (ТМУ) орток тарых, тил жана бир туугандык байланыштардын негизинде түрк дүйнөсүнүн ортосундагы тилектештикти институтташтырган жана кызматташтыкты бекемдеген маанилүү платформага айланганы белгиленди.
Билдирүүдө Түркиянын 29-30-октябрда ТМУнун 13-саммитин өткөрөрү айтылып, «өлкөбүздө өтө турган Түрк Мамлекеттери Уюмунун 13-саммити бул өнөктөштүктү мындан ары да өнүктүрөт», — деп белгиленди.
Ошондой эле Түркия түрк дүйнөсүнүн адамдык, экономикалык жана стратегиялык потенциалын жалпы өнүгүүгө багыттоо үчүн аракеттерин улантары айтылды.
«Түркия түрк дүйнөсүнүн адамдык, экономикалык жана стратегиялык потенциалын жалпы гүлдөп-өнүгүүгө айландыруу жана Түрк кылымын биримдикте жана тилектештикте куруу максатында аракеттерин чечкиндүү түрдө улантат», — деп айтылды билдирүүдө.
