Түркия Республикасынын Тышкы иштер министрлиги Сириядагы сириялык жана АКШ күчтөрүнө карай ДЕАШ террористи тарабынан жасалган террордук чабуулду айыптады.
Ишемби күнү кечинде жарыяланган билдирүүдө министрлик: «Биз Сириянын Пальмира шаарынын жанында күзөттө жүргөн сириялык жана АКШ аскерлерине карай жасалган террордук чабуулду айыптайбыз.
Кол салууда каза болгондордун үй-бүлөлөрүнө жана ДЕАШ менен күрөшүү боюнча эл аралык коалициядагы өнөктөштөрүбүз болгон Сирия жана АКШ өкмөттөрүнө көңүл айтабыз.
Биз Сирия өкмөтүнүн өлкөдөгү туруктуулукту жана коопсуздукту чыңдоо жана терроризмге каршы күрөшүү аракеттерин колдоону улантабыз», - деп билдирди.
Ишемби күнү эртең менен ДЕАШ менен байланышкан куралчан адамдын буктурмасынан эки америкалык аскер жана бир жай тургун каза болуп, үчөө жаракат алган.
