Испаниянын алдыңкы авиациялык маалымат каражаты билдиргендей, Испания өзүнүн жаңы өнүккөн машыктыруучу учагы катары Түркиянын Аэрокосмостук өнөр жайы (TAI) тарабынан иштелип чыккан ХҮРЖЕТ учагын тандады.
2025-жылдагы Эл аралык Коргонуу жана Коопсуздук Көргөзмөсү (FEINDEF) аяктап жатканда 14-май шаршемби күнү маанилүү иш-чара пландалды. Avion Revue Internacional маалыматына ылайык, Испаниянын коргоо өнөр жайы менен ХҮРЖЕТ программасынын ортосунда Өз ара түшүнүшүү меморандумуна (MoU) кол коюлду. Бул келишим Испаниянын Аба жана Космос күчтөрүн жаңы машыштыруучу учак менен камсыздоо багытындагы кызматташтыкты бекемдөөгө негиз түзөт.
Коргонуу тармагындагы булактар билдиргендей, Испаниянын бул программасы эки этап менен ишке ашырылышы мүмкүн. Биринчи этап – буга чейин макулдашылгандай толугу менен Түркияда өндүрүлгөн учактардын Испаниянын өнөр жайы тарабынан сертификатцияланышын камтыйт. Avion Revue маалыматына караганда, экинчи этапта испаниялык системалардын интеграцияланышы жана өндүрүш процессинде Испаниянын коргонуу компанияларынын кеңири катышуусу көздөлүүдө.
Бул өнүгүү ХҮРЖЕТ үчүн испаниялык аскердик учкучтарды даярдоочу жаңы муундагы платформа болуу жолунда маанилүү кадам болуп саналат. Ошондой эле, бул Испаниянын Аба жана Космос күчтөрү менен улуттук коргоо өнөр жайы үчүн чоң мүмкүнчүлүк түзөт.
Түркиянын ата мекендик жеңил чабуул учагы ХҮРЖЕТ эскирген тренажёр учактарды алмаштыруу жана бешинчи муундагы учактардын көбөйүшүнө байланыштуу жаңы тренажёр катары колдонулуу максатын көздөйт. 13,6 метр узундуктагы (44,6 фут) ХҮРЖЕТтин канаттарынын узундугу 9,5 метрди (31 фут) түзөт.
Коргонуу кызматташтыгын тереңдетүү
Дүйшөмбү күнү Түркия Парламентинин Тышкы иштер комитетинин төрагасы Фуат Октай HÜRJETтин эки өлкөнүн ортосундагы коргонуу кызматташтыгын тереңдетүүчү негизги элементтердин бири болуп калганын билдирди. Октай, HÜRJET машыгуу учагынын Түркиянын алдыңкы коргонуу долбоорлорунун бири экенин айтып, учактын экспортунун өлкөнүн тездик менен өсүп жаткан коргонуу өнөр жай потенциалы жагынан бурулуш учур экенин баса белгиледи.
Бул сүйлөшүүлөр 12-14-май күндөрү Мадридде өткөн FEINDEF 2025 эл аралык коргонуу жарманкесинин алдында өттү. Түркия эки жыл мурда жарманкеге эки гана фирма менен катышкан болсо, быйыл 32 фирмадан турган делегация менен катышты.
“Испаниянын коргоо өнөр жайыбызга болгон кызыгуусу ачык жана бул кызматташтыкты ЕБ алкагында кеңейтүүнү максат кылуудабыз”,-деген Октай коргоо өнөр жайынан башка тармактарда да тыгыз кызматташтыкка көңүлдөрдү бурду.
Испан Сенатынын Тышкы иштер комитетинин төрагасы Ландалусе да бул пикирлерди колдоп, түрк делегациясынын сапарын “чоң сыймык” деп мүнөздөдү жана ар кандай тармактардагы биргелешкен демилгелердин көбөйүп жатканын билдирди.
