Бүгүн эртең менен Шаньси провинциясынын Цинъюань уездиндеги көмүр кенинде газ жарылуусу болду.
Алгачкы маалыматтарга караганда, шахтада иштеген 247 жумушчунун 82си каза болду.
Урандылардын астында калган жумушчуларды табуу үчүн издөө-куткаруу иштери жүргүзүлүүдө жана каза болгондордун саны көбөйүшү мүмкүн деген кооптонуулар бар.
Кытайдын мамлекет башчысы Си Цзиньпин жарыялаган билдирүүсүндө издөө-куткаруу иштери үчүн бардык күчтөрдү жумшоо жана жабыркагандарды дарылоо боюнча тапшырма берди.
Си Цзиньпин операцияларды тийиштүү түрдө жүргүзүүгө чакырды жана жарылуунун себебин комплекстүү иликтөөнү жана күнөөлүүлөрдү мыйзам алдында жоопко тартууну талап кылды.
Өлкө боюнча бардык жергиликтүү бийлик органдары жана тиешелүү мекемелер бул окуядан сабак алып, эмгек коопсуздугу боюнча чараларды күчөтүшү керектигине көңүлдөрдү бурган Си, чоң кырсыктарды алдын алуу үчүн потенциалдуу тобокелдиктерди аныктап, азайтуунун зарылчылыгын баса белгиледи.
Окуя боюнча тергөө иши уланууда.
