Тонга шейшемби күнү эртең менен Тонганын Неяфу шаарындагы 7,6 баллдык жер титирөөдөн кийин киргизилген "кооптуу" цунами эскертүүсүн жумшартты.
АКШнын Геологиялык изилдөөлөр кызматы (USGS) жер титирөө Тонганын Неяфу шаарынан 166 чакырым батышта катталганын билдирди.
Жер титирөө 229,5 чакырым тереңдикте болуп, курмандыктар же ири кыйроолор катталган жок.
Тонганын метеорологиялык кызматы Facebook баракчасындагы билдирүүсүндө Вава'у, Тонгатапу, Эуа, Ха'апай жана Ниуас сыяктуу бир нече жерлерде цунами эскертүүсүн жумшартканын кабарлады.
Тонганын метеорологиялык кызматы мурда жер титирөө бүткүл өлкө боюнча сезилгенин билдирип, улуттук цунами эскертүүсүн жарыялаган.
Кызмат андан соң X баракчасында жарыяланган билдирүүсүндө "бир нече мүнөттүн ичинде кооптуу цунами пайда болушу мүмкүн" деп эскертип, элди коопсуз жерлерге барууга чакырган.
Калкынын саны 4000ден аз болгон Тонганын экинчи чоң шаары Неяфу Тонганын түндүгүндөгү Вавау архипелагынын негизги аралы Ваваунун түштүк жээгиндеги терең суу портунда жайгашкан.
