Ливандык министр да катышкан иш-чарада Франциянын президенти Эммануэль Макрон Израилге карата билдирүү жасап "оккупациянын" коопсуздук алып келбей турганын айтты.
Дүйшөмбү күнү Париждеги мамлекет тарабынан каржыланган Араб дүйнөсү институтунда өткөн көргөзмөнүн ачылышында сөз сүйлөгөн Макрон: "Эч бир оккупация, эч бир колонизациянын түрү - бул жерде да, (басып алынган) Батыш Шериада да, башка эч жерде да - эч кимдин коопсуздугуна кепилдик бере албайт", - деди.
Макрон бул билдирүүнү Ливандын маданият министри Гассан Саламе менен бирге турганда жана Израиль Ливанга согуш жарыялаган учурда айтты.
Ливанга каршы аба соккуларын жасаган Израиль андан соң армиясынын кургактагы күчтөрүн Ливандын түштүгүнө жөнөтүп, аны "чектелген" чабуул деп мүнөздөдү.
Ливандын расмий өкүлдөрүнүн айтымында, Израилдин чабуулдары 1000ден ашык адамдын өмүрүн алды.
Оккупациядагы Батыш Шериада Израилдин зомбулуктары
Ошол эле учурда 28-февралда АКШ менен Израилдин Иранга каршы согушу башталгандан бери, оккупациядагы Батыш Шериада Израилдин кол салууларынан кеминде алты палестиналык каза болду. Региондогу айрым имараттар жана унаалар мыйзамсыз израилдик отуркташкандар тарабынан өрттөлдү.
Бир тараптан Париждеги көргөзмөдө биздин заманга чейинки 6900-жылдан бери отурукташуу жери болгон жана дүйнөдөгү эң байыркы порт деп эсептелген Ливандагы Библос шаарына таандык ар кандай археологиялык калдыктар көрсөтүлдү.
