Россия Украина менен туткундарды алмаштырганын жана эки тараптан тең 185тен аскердин өлкөлөрүнө кайтарылганын жарыялады.

Россиянын коргоо министрлигинин жума күнү жасаган билдирүүсүндө Бириккен Араб Эмирликтеринин согуш туткундарын алмаштырууда ортомчулук кылганы белгиленди.

Билдирүүдө орус аскерлеринин азыркы учурда Беларуста экендиги жана Россия Адам укуктары боюнча комиссары Яна Лантратованын аскерлер менен бирдикте экендиги маалымдалды.

Министрлик билдирүүсүндө: "Бошотулган аскер кызматкерлери учурда Беларуста, аларга зарыл болгон психологиялык жана медициналык жардамдар көрсөтүлүүдө. Кийинчерээк алар дарылануу жана реабилитациядан өтүү үчүн Россияга жөнөтүлөт", — деп маалымдалды.

Айрым жогорку мартабалуу украиналык жетекчилер алмашуу үчүн даярдыктардын акыркы жумаларда башталганын билдиришти.

Алмашуу Украинанын президенти Владимир Зеленскийдин төрт жылдык кагылышууну токтотуу үчүн орус кесиптеши Владимир Путинге бетме - бет жолугушууну кабыл алууга чакыргандан кийин ишке ашты.

Россиянын Коргоо министрлиги: "5-июнда Киев режиминин көзөмөлүндөгү аймактардан 185 орус аскери кайтарылды. Украина тарапка да 185 согуш туткуну өткөрүлүп берилди", — деп билдирди.

Зеленский боштондукка чыккан айрым украин аскеринин 2022-жылдан бери Россияда камакта экендигин айтып, социалдык медиада : “Адамдардын кайтып келиши Украина үчүн ар дайым артыкчылыктуу маселе. Күн сайын ар бир украиналык эркек жана аялды туткундуктан куткаруу үчүн иштеп жатабыз”,- деп жазды.

Украиналык жетекчилер Украина желектерине оронгон, чачтары алынган аскерлердин бири - бирин кучактаган сүрөттөрүн жарыялашты.