Нигериянын түндүк-чыгышындагы Борно штатында Боко Харам террордук тобунун мүчөлөрү мектепке кол салып, көп сандаган окуучуну уурдады.
Улуттук маалымат каражаттарынын билдирүүлөрүнө ылайык, Боко Харам мүчөлөрү эртең менен Борно штатынын Ласса шаарындагы мамлекеттик орто мектепке кол салышкан.
Террордук уюм көп сандаган окуучуну уурдады
Борно штатынын полициясынын басма сөз катчысы Нахум Кеннет Дасо окуяны тастыктап, кол салгандардын Лассада шаарында курулган жумалык базардан пайдаланып, мотоциклдер менен аймакка киргендигин билдирди.
Дасо кол салууда бир мугалим каза болуп, көптөгөн окуучунун уурдалганын билдирди.
Нигериянын Куралдуу күчтөрүнүн террордук топторго каршы "Хадин Кай" операциясынын командиринин милдетин аткаруучу Мухаммед Муса Гони окуяны тастыктады.
Гони Даггу аймагына жакын жерде качып бараткан кол салуучулар менен болгон кагылышууда бир аскердин каза болгонун белгиледи.
Уррдалган 10 окуучунун куткарылганына көңүлдөрдү бурган Гони окуучулардын ден соолугу жакшы экенин жана керек болгон камкордукка алынганын кошумчалады. Гони кол салуучуларды кармоо жана башка окуучуларды куткаруу боюнча операциялардын уланып жатканын баса белгиледи.
2000-жылдардын башынан бери Нигерияда активдүү иштеп келе жаткан Боко Харам 2009-жылдан бери массалык террордук чабуулдарда он миңдеген адамдын өмүрүн алган.
2015-жылдан бери террористтик топ Нигериянын коңшу өлкөлөрү Камерун, Чад жана Нигерде да кол салууларды жасаган. Уюмдун Чад көлү аймагындагы кол салууларында кеминде 2000 адам каза болгон.
Өлкө террордук кол салуулар жана чыр-чатактардан улам жүз миңдеген адам үйлөрүн таштап кетүүгө аргасыз болушкан.
