Түркиянын Коммуникация башкармалыгынын билдирүүсүнө ылайык, президент Режеп Таййип Эрдоган менен Финляндиянын президенти Александр Стубб шаршемби күнү телефон аркылуу сүйлөшүүдө эки тараптуу мамилелерди, аймактык жана глобалдык маселелерди талкуулашты.
Эрдоган Анкаранын Хельсинки менен соода көлөмүн көбөйтүү боюнча аракеттерине токтолуп, таштала турган кадамдар менен карым - катнаштарды чыңдоону көздөп жатышканын билдирди.
Эрдоган Түркиянын Украина менен Россиянын ортосундагы тынчтык процессин ийгиликтүү аяктоого аракет кылып жатканын айтып, Стамбулдагы сүйлөшүүлөрдүн натыйжалуу экенин далилдеген дипломатиялык платформа түзгөнүн кошумчалады.
Коммуникация башкармалыгынын билдирүүсүндө сүйлөшүүдө Палестина маселесинин да күн тартибинде болгону маалымдалды. Эрдогандын Газадагы ок атышууну токтотуунун аткарылышын кылдат көзөмөлдөп, аймакта узак мөөнөттүү тынчтыктын эки мамлекеттүү чечим менен гана мүмкүн экенин баса белгилеп, Стуббга Финляндиянын Палестина мамлекетин таануусун ыраазычылык менен кабыл аларын айтканы белгиленди.
Эрдоган ошондой эле жыл сайын 6-декабрда белгиленүүчү Финляндиянын Эгемендүүлүк күнүнө карата президент Стуббду куттуктады.
