Түркиянын тышкы иштер министри Хакан Фидан Египеттин тышкы иштер министри Бадр Абделатти менен телефон аркылуу сүйлөшүп, Газага гуманитардык жардам жеткирүү жана ок атышууну токтотуу боюнча аракеттерди талкуулады.

Түркиянын дипломатиялык булактарынын маалыматына ылайык, жекшемби күнү Фидан менен Абделатти Газадагы оор гуманитардык кырдаалды, айрыкча Израилдин блокадасынан улам келип чыккан массалык ачарчылыкка каршы аракеттерди жана ок атышууну токтотуу боюнча сүйлөшүүлөрдөгү абалдарды карап чыгышты.

Израилдин Аль-Акса мечитине жасалган рейдин айыптоо

Түркия израилдик министрлер, коопсуздук күчтөрү жана мыйзамсыз отурукташкан топтор басып алган Чыгыш Кудстагы Аль - Акса мечитине жасалган рейдди катуу айыптады.

Түркиянын Тышкы иштер министрлиги жекшемби күнү жасалган билдирүүдө мындай аракеттердин Аль-Акса мечитинин коопсуздугуна жана шаардын ыйык өзгөчөлүгүнө коркунуч туудурарын билдирди. Министрлик бул жагдай аймак үчүн гана эмес, «адамзаттын жалпы абийиринин» приоритети экендиигн баса белгиледи.

"Баскынчы Израилдин бул системалуу чагымчылдыгы жана акыркы мезгилдеги аннексиялоо чакырыктары эки мамлекеттүү

чечимдин пайдубалын бутага алат жана тынчтыктын келечегине зыян келтирет», - деп айтылды маалыматта.

Анкара Газада ок атышууну дароо токтотуу чакырыгын кайталады жана эл аралык коомчулукту эки мамлекеттүү чечимге негизделген туруктуу тынчтыкты орнотууну колдоого чакырды.