Израиль Ирандын өзөктүк байытуу программасын шылтоолоп, Ирандын өзөктүк жана аскердик объектилерин бутага алган массалык аба соккуларын баштады.
Израилдин кол салууларына жооп катары Тегеран "Чынчыл убада-3" аттуу операциянын алкагында Израилдин аймагына көп сандаган ракеталарды учурду.
Бул чабуулдар эки атаандаштын ортосундагы эң ири түздөн-түз аскердик кагылышуу экенин билдирүүдө. Израиль булактары Иранда 200дөн ашык бута, анын ичинде өзөктүк объектилер, абадан коргонуу системалары жана ракеталык базалардын жок кылынганын билдирди.
Чабуулдар F-35 учактары, дрондор жана узак аралыкка багытталган так ракеталар аркылуу ишке ашырылды жана Исфахан, Фордо, Арак, Тегеран жана Ирандын батышындагы бир нече аскердик объектилердин бутага алынгандыгы маалымдалды.
Израиль бутага алган объектилер:
Натанз ядролук объектиси – Исфахан провинциясы
Ирандын эң корголгон байытуу объектилеринин бири болгон Натанзда жер үстүндөгү күйүүчү майларды байытуу объекти жана анын тегерегиндеги колдоочу структуралар жабыркады.
Спутниктен тартылган сүрөттөр уранды байытуу боюнча жер астындагы залдардын дээрлик бүтүн бойдон калганын көрсөтүүдө бирок маанилүү операциялык имараттар иштебей калгандай көрүнүүдө.
МАГАТЭ бул объектилерге чабуул жасалганын тастыктап, радиация деңгээлинин жогорулашы байкалбаганын билдирди.
Ирандын Атомдук Энергия Уюму объекттин ичинде ядролук булгануу аныкталганын, бирок сыртка жайылбаганын маалымдады.
Фордо ядролук объектиси – Кум шаарына жакын
Ирандын жарым расмий Fars News агенттиги Израилдин уланып жаткан чабуулдарында Фордо өзөктүк объектисинин бутага алынганын билдирди. Чабуулдарда жер үстүндөгү курулуштар, кирүү пункттары жана коопсуздук объекттери атылган.
Тегерандан болжол менен 100 километр түштүк-батышта жайгашкан Фордо байытуучу жайы центрифуга чынжырларына ээ, бирок Натанзга салыштырмалуу чоң эмес. Тоонун астына көмүлгөн объект зениттик батареялар менен корголууда жана абадан чабуулдарга туруштук бере тургандай болуп курулган.
Аналитиктер жер астындагы залдардын олуттуу зыян тартпаганын айтышса, израилдик жетекчилек чабуулдун "операциялык мүмкүнчүлүктү начарлаткандыгын айтышууда.
Исфахан ядролук технология борбору
Тегерандан болжол менен 345 километр түштүк-чыгышта жайгашкан Исфахан шаарындагы ишкана миңдеген өзөктүк илимпоздорду жумуш менен камсыз кылат.
Ошондой эле объектиде Ирандын өзөктүк программасы менен байланышкан Кытайда жасалган үч изилдөө реактору жана ар кандай лабораториялар бар.
Уран металл өндүрүү жана отунду кайра иштетүү боюнча лабораториялар жайгашкан. Объектинин олуттуу зыян тартканы белгиленди.
Арак оор суу реактору
Тегерандан 250 чакырымдай түштүк-батышта жайгашкан Эрак оор суу реактору Израил бутага алган өзөктүк объектилердин бири.
Кабарларга караганда, Израилдин Эрак реактор комплексинин бөлүктөрүнө жасаган соккулары муздатуу жана кайра иштетүүчү жабдууларга зыян келтирген.
Ирандык жетекчилер объектиде "конструкциялык зыян" болгонун тастыкташты.
Оор суу реакторлору өзөктүк куралдарда колдонулуучу плутонийди өндүрөт.
Куралдуу күчтөрдүн Тегерандагы штабы
Ирандын борбору Тегерандагы Төңкөрүш Гвардиясы корпусунун (IRGC) борбордук командалык базасы жогорку даражалуу командирлер жайгашкан жана оперативдүү пландоо иштери жүргүзүлүүчү негизги объект болуп саналат.
Израилдин абадан жасаган чабуулдарында бутага алынган аскердик объектилердин арасында Тегерандагы IRGC штабы да болгон. Чабуулда көп сандаган жогорку даражалуу командирлер каза болду.
Парчин аскердик комплекси
Тегерандан 30 чакырымдай түштүк-чыгышта жайгашкан Парчин аскердик комплекси жана борбор шаардагы бир катар аскердик базалар да бутага алынгандардын арасында.
Керманшах ракета базасы
Израилдин көңүлдөрдү бурган чабуулдарынын бири Батыш Ирандагы Керманшахтын жанында жайгашкан жер астындагы ракеталык кампаны бутага алган.
The New York Times жана ачык булак аналитиктери тарабынан тастыкталган сүрөттөрдө жума күнү эртең менен тоо боорунан көтөрүлгөн коюу кара түтүн булуттары тартылган. Бул бир нече саатка созулган экинчи жарылуулар менен дал келүүдө.
Түтүндүн жер астындагы ракеталык база деп эсептелген аймактан көтөрүлүп жатканы көрүнүүдө.
Субашы радар борбору
Хамадан провинциясындагы Субаши радар борбору Ирандын эң маанилүү радар борборлорунун бири катары бутага алынган.
Пираншахр аскердик объекти
Батыш Азербайжан провинциясында, Ирандын Ирак менен чек арасына жакын жайгашкан Пираншахр гарнизону Тегерандын кеңири аскердик инфраструктурасынын бир бөлүгү болуп саналат.
Financial Times тастыктаган видеодо гарнизондо бир катар жардыруулар болуп, ок-дарылар же ракеталар колдонулган деген божомол бар.
Башка сүрөттөр гарнизондун жалындап жатканын көрүүгө болот.
Тегеран Мехрабад аэропорту
Ирандын расмий маалымат агенттиги IRNAнын билдиришинче, чабуул аэропорттун унаа жабдуулар имаратынын артындагы аймакты жана согуштук учактар үчүн колдонулган ангарларды бутага алган.
Тебриз Шехит Мадани аэропорту
Ирандын Press TV телеканалынын маалыматына ылайык, Израил Ирандын түндүк-батышындагы Тебриз аэропортунун тегерегин дагы бутага алды, ал жерде жарылуу үнү угулган.
Иран бутага алган жерлер
Киря комплекси – Израиль күчтөрүнүн штаб-квартирасы, Тель-Авив
Иран ракеталары Тель-Авивдин борборундагы Израилдин башкы аскердик штабына сокку урду. Кирья комплексинде Израиль армиясынын борбордук командачылыгы жана Коргоо министрлиги жайгашкан.
Неватим жана Овда аба базалары
Tasnim агенттигинин маалыматына ылайык, Ирандын соккусу Израилдин башкаруу жана башкаруу борбору жана электрондук согуш борбору жайгашкан Неватим жана Овда аба базаларын бутага алды.
Тель-Ноф авиабазасы
IRGC тарабынан бутага алынган башка объекттер Тель-Авивге жакын Тель-Ноф аба базасы жана Тель-Авивдеги өнөр жай жана аскердик борборлор болгон.
Израилдин борбордук бөлүгүндөгү ири шаар аймактары
Ракеталык жана учкучсуз учуучу аппараттардын чабуулдары Иерусалим, Тель-Авив жана анын тегерегиндеги аймактарда абадан коргонуу сиреналарын иштетти. Көптөгөн ракеталар тосулду, бирок айрымдары коргонуу системасынан өтүп, үйлөргө, унааларга жана инфраструктурага зыян келтирди.
