Түштүк Кореянын коргоо министри Ан Гю-бак Түндүк Кореяда 80ден 120га чейин ядролук курал бар деп болжолдонуп жатканын айтты.
Министр Ан АКШнын президенти Дональд Трамптын Түндүк Кореяда 57 "өтө күчтүү" ядролук курал бар деген билдирүүсүнөн кийин парламенттик жыйында темага сереп салды.
Түндүк Кореянын ядролук курал кубаттуулугу боюнча болжолдоолор тууралуу суралганда Ан: "Жалпысынан алганда биз (Түндүк Кореяда) 80ден 120га чейин ядролук курал бар деп эсептейбиз, бирок так санды айтуу кыйын", - деди.
Министр Ан бул сан жеке уюмдардын болжолдоолоруна негизделгенин жана Түштүк Корея аны расмий түрдө тастыктай албай турганын билдирди.
Оппозициялык мыйзам чыгаруучунун Сеул өкмөтү Пхеньяндын ядролук курал арсеналы бар экенин моюнга алабы же жокпу деген суроосуна Ан: "Биз муну эч качан расмий түрдө моюнга ала албайбыз", - деп жооп берди.
