Немис өкмөтүнүн өкүлүнүн дүйшөмбү күнү Anadolu агенттигине берген билдирүүсүнө ылайык, Сириянын президенти Ахмед Шара 19-20-январда Германияга пландаштырылган сапарын кийинкиге калтырды.
Басма сөз катчы кошумча маалымат бербестен: "Сирия тарап ички саясий окуяларга байланыштуу сапарын кийинкиге калтырды", - деди.
Шаранын Берлинге сапарынын алкагында Германиянын канцлери Фридрих Мерц жана президент Франк-Вальтер Штайнмайер менен жолугары, ошондой эле немис бизнес лидерлери менен тегерек стол жыйынына катышары пландалган.
Өткөн аптада Сирия өкмөтү, YPG террордук уюму мурунку келишимдерди бир нече жолу бузгандан кийин аскердик операция баштап Сириянын чыгышындагы жана түндүк-чыгышындагы айрым аймактарды кайтарып алган. Жекшемби күнү Шара бардык YPG күчтөрүнүн Евфрат дарыясынын чыгышына чегинүүсүн камтыган ар тараптуу ок атышууну токтотуу жана интеграциялоо келишимин жарыялаган.
