Жергиликтүү медиа шаршемби күнү Израилдин премьер - министри Биньямин Нетаньяхунун келерки жумада карала турган коррупция иши боюнча соттун АКШнын президенти Дональд Трамп менен жолугушуу үчүн Вашингтонго жасай турган сапарынан улам кечеңдетүү талабынын Израиль тарабынан кабыл алынгандыгын билдирди.
Израилдин премьер-министри келерки жумада АКШга барып, Трамп жана башка жогорку даражалуу америкалык жетекчилер менен Газа согушу, Иран жана башка аймактык маселелер боюнча сүйлөшүүлөрдү жүргүзөт.
Израилдин коомдук телекөрсөтүү каналы КАНдын маалыматына ылайык, Нетаньяху АКШ сапарын негиз катары көрөтүп, соттук отурумдарды токтотууну талап кылуусу менен прокуратура бул талапты кабыл алды.
Бул жумадагы соттук отурумдар да премьер-министрдин ушул эле өтүнүчүнөн кийин Кудс соту тарабынан токтотулган.
Бул чечим Трамптын Нетаньяхунун соттук ишинин токтотулушу тууралуу кайталаган чакырууларынан кийин чыгарылды. Трамп болсо сот ишин премьер - министрге каршы “бакшы аңчылыгы” деп мүнөздөдү.
Нетаньяху пара алуу, алдамчылык жана ишенимди бузуу менен соттолуда.
Январь айында Нетаньяху 1000, 2000 жана 4000 иштер боюнча сурак бере баштаган, бирок ал айыптоолорду четке каккан. Башкы прокурор бул иштер боюнча айыптоо корутундусун 2019-жылдын ноябрь айынын аягында берген.
Нетаньяхунун соту 2020-жылдын 24-майында башталган жана ал өлкөнүн тарыхында кылмышкер катары сурак берген Израилдин биринчи лидери болду.
Нетаньяху согуш кылмыштары жана адамзатка каршы кылмыштар менен да айыпталууда. Эл аралык кылмыш соту 2024-жылы ноябрда Нетаньяху менен мурдагы коргоо министри Йоав Галлантты Газадагы адамкерчиликсиз аракеттери үчүн камакка алууга ордер берген. 2023-жылдын 7-октябрынан бери 56 миң 600дөн ашуун адам каза болгон, алардын көбү аялдар жана балдар.
