Расмий маалыматтарга ылайык, Түркиянын калкы 2025-жылы 86,09 миллионго жетип, мурунку жылга салыштырмалуу 427 224 адамга көбөйдү.
Түркия статистика мекемесинин (TÜIK) дүйшөмбү күнкү билдирүүсүнө караганда, Түркияда эркектердин саны 43,06 адам менен жалпы калктын 50,02%ын, ал эми аялдардын саны 43,03 адам менен 49,98%ын түздү.
Калктын санынын жылдык өсүү темпи 2024-жылы миңден 3,4 пайыз болсо, 2025-жылы миңден 5 пайызга жогорулады.
Түркиянын статистика мекемесинин (TÜİK) көрсөткүчтөрүнө караганда, "Облус жана райондук борборлордо жашаган адамдардын саны 2024-жылы 93,4%дан 2025-жылы 93,6%га өстү. Ал эми шаарча жана айылдарда жашаган адамдардын саны 6,6%дан 6,4%га төмөндөдү.
Стамбул 2025-жылы Түркиянын калкы эң көп шаары болду. Калкынын саны 15,75 миллионго жетип, мурунку жылга салыштырмалуу 52 451 адамга көбөйдү.
Стамбулдан кийин 5,9 миллион калкы менен Анкара, 4,5 миллион калкы менен Измир, 3,26 миллион калкы менен Бурса жана 2,77 миллион калкы менен Анталья турат.
Түркия калкынын орточо жашы 2024-жылы 34,4 жаштан 2025-жылы 34,9 жашка жогорулады.
Ишке жарамдуу курактагы бир адамга туура келген балдардын жана улгайган адамдардын санын көрсөткөн жаш курагына жараша көз карандылык коэффициенти болсо өткөн жылы 0,1 пайыздык пунктка төмөндөп, 46%ды түзгөн.
