Европанын ар кайсы өлкөлөрүнөн өрт өчүрүүчүлөр Бельгиянын борбору Брюсселде кызматкерлердин жана жабдуулардын жетишсиздигин жоюуну, бюджеттик кыскартууларды токтотууну жана жумуш шарттарын жакшыртууну талап кылып демонстрация өткөрүштү.

Европанын коомдук кызмат профсоюздары федерациясынын (EPSU) жана Бельгиянын өрт өчүрүүчүлөр профсоюздарынын чакырыгы менен Европа өлкөлөрүнөн жүздөгөн өрт өчүрүүчүлөр Брюсселдеги Түндүк темир жол станциясынын алдында чогулушту. 

Өрт өчүрүүчүлөр Европанын жарандык коргонуу форуму өтүп жаткан Tour & Taxis көргөзмө борборуна чейин бир нече чакырым жөө жүрүш жасашты. 

Демонстранттар кызматкерлердин жана жабдуулардын жетишсиздиги менен оор жумуш шарттарына көңүл буруп, бюджеттин кыскарышын токтотууну талап кылышты.