Тажикстандын борбору Душанбедеги Кытай элчилиги жума күнү Тажикстандын Ооганстан менен чек арасындагы куралдуу кол салууда үч кытай жараны каза болгонун кабарлады.

Элчилик шаршемби күнү өлкөнүн түштүк-батыш провинциясындагы Хатлон облусунда болгон кол салууда бир кытай жараны да жаракат алганын кошумчалап, жарандарды чек ара аймагынан чыгып кетүүгө чакырды.

Кол салгандардын ким экендиги айтылган жок, бирок Кытай Тажикстандан иликтөө баштоону талап кылганы кабарланды.

Тажикстандын Тышкы иштер министрлиги бейшемби күнү, каза болгон үч адам кол салууда бутага алынган Shahin SM LLC компаниясынын кызматкерлери экенин маалымдады.

Ошондой эле Ооганстандан жасалган кол салууда граната ташыган дрон колдонулганы кабарланды.

Ооганстандын Тышкы иштер министрлиги билдирүүсүндө: "Бул окуяга катышкан топ аймакта башаламандык, туруксуздук жана ишенимсиздикти жаратууну көздөгөн топ", - деп билдирди, бирок топтун атын ачыктаган жок.

Министрлик ошондой эле Кабул администрациясы алгачкы баалоо жүргүзгөнүн жана Тажикстан менен толук кызматташаарын кошумчалады.