Израилдин басып алынган Батыш Шериада Эль-Халиль жана Бейтүллахим шаарларында палестиналыктарга таандык болжол менен 183 акр жерди тартып алганы кабарланды.

Бөлүнүү (уят) дубалы жана жөөт конуштарына каршы күрөшүү боюнча Палестина комитетинин жазуу түрүндөгү билдирүүсүндө, Тель-Авив администрациясы Батыш Шерианын түштүгүндөгү Эль-Халиль жана Бейтүллахим шаарларына караштуу айылдардагы 182,81 акр жерди "мамлекеттик менчик" деп жарыялаганы айтылды.

Израилдин аймактагы мыйзамсыз конуштарга расмий статус берүү менен кеңейтүү кадамдарынын алкагында палестиналыктардын жерлерин тартып алып жатканы баса белгиленген билдирүүдө, Израиль бул аракеттери менен Палестинанын аймагын бөлүп-жарып, жер-жерлерде де-факто аннексиясын киргизүүнү улантып жатканы кошумчаланды.

Израиль 2023-жылдын октябрь айында Газа тилкесине чабуулун баштагандан бери, басып алынган Батыш Шериада жана Чыгыш Кудста палестиналыктарга каршы камакка алуулар, рейддер жана кол салуулар көбөйдү.