Президенттиктин Коммуникация башкармалыгы, Түркиянын президенти Режеп Таййип Эрдогандын келерки жумада үч күндүк Перс булуңу сапарынын алкагында 21-23-октябрь аралыгында Кувейт, Катар жана Оманга бара турганын билдирди.
Коммуникация башкармалыгынын башчысы Бурханеттин Дурандын айтымында, Перс булуңунун үч лидеринин чакыруусу менен ишке ашырылып жаткан сапарлар саясий, экономикалык жана коргонуу тармагындагы кызматташтыкты чыңдоо менен бирге негизги аймактык жана эл аралык маселелер боюнча эки тараптуу карым-катнаштарды бекемдөөнү көздөөдө.
Дуран X платформасындагы билдирүүсүндө “Эрдогандын бул сапар учурунда соода, инвестиция жана энергетика тармактарындагы өнөктөштүктү кеңейтүүгө багытталган бир катар эки тараптуу келишимдерге кол коюшу күтүлүүдө” деди.
Бул сапар Анкаранын негизги экономикалык келишимдер жана стратегиялык диалогдор аркылуу жетишилген жакындашуу мезгилинен кийин Перс булуңундагы өлкөлөр менен байланыштарды чыңдоо аракетин көрсөтүп турат.
Ошондой эле бул сапар Түркиянын Жакынкы Чыгыштагы уланып жаткан жаңжалдар жана өзгөрүлүп жаткан альянстар шартында негизги ортомчу жана аймактык держава катары позициясын бекемдөө аракетинин бир бөлүгү болуп саналат. Эрдоган акыркы жолу Перс булуңуна 2023-жылдын июль айында барган.
