Түркиянын президенти Режеп Таййип Эрдоган Орусия менен Украинанын ортосундагы согушту токтотуу мүмкүнчүлүгүн колдон чыгарбоо керектигин айтты.
Коммуникация башкармалыгы бейшемби күнү билдиргендей, Эрдоган Австриянын канцлери Кристиан Штокер менен телефон аркылуу сүйлөшүп, эки тараптуу карым-катнаштар менен бирге аймактык жана глобалдык маселелерди талкуулады.
Сүйлөшүү учурунда Эрдоган Газага тез арада гуманитардык жардам жеткирүүнүн өтө маанилүү экенин баса белгиледи.
Сирия темасында болсо Түркиянын өлкөдөгү туруктуулукту камсыз кылуу аракеттерин улантып жатканын айткан Эрдоган, сириялык качкындардын өз мекенине кайтууларын жеңилдетүү үчүн социалдык жана экономикалык жыргалчылыкты арттыруунун маанисине басым жасады.
Эрдоган Түркия менен Австриянын соода жана инвестиция жаатындагы потенциалды эффективдүү колдонуусу керектигин жана кызматташтыкты арттыруу үчүн кадамдарды улантарын билдирди.
