Ирандын президенти Месуд Пезешкиан Бириккен Улуттар Уюмунун (БУУ) башкы катчысы Антониу Гутерриш менен болгон жолугушууда: "Иран мындан ары АКШга ишенбейт", - деди.

Иран президенттигинен берилген жазуу түрүндөгү билдирүүгө ылайык, БУУнун Башкы Ассамблеясынын жыйынына катышуу үчүн АКШга барган Пезешкиан БУУнун Башкы катчысы Гутерриш менен жолугушту.

Пезешкиан жолугушууда Гутерришке: "Иран сүйлөшүү столунан баш тарткан жок. Мурдагы тажрыйбаларга таянып, Иран мындан ары АКШга ишенбейт", - деди.

Гутерришке өлкөсү аймакта тынчтыкты жана коопсуздукту каалаганын эскерткен Пезешкиан: "Бул өлкө тышкы кысымдардын баш ийдирүүсүнө жол бербейт", - деп кошумчалады.

Гутерриш да бул татаал шарттарда саясий жана дипломатиялык чечим табуу аракеттери улантылышы керектигин айтты.