Индиянын Пенжап штатынын Батхинда аймагынан Индия аба күчтөрүнө таандык бир учактын күйгөн калдыктарын көрсөткөн көрүнүштөр жарыяланып, Исламабад шаршемби күнү  эрте менен Индия  -  Пакистан чек арасында болгон тынчсыздандыруучу чыңалууда учкучтардын Индяига таандык беш өнүккөн аскердик учакты атып түшүргөндүгүн билдирди.

Индия ушул кезге чейин эч бир билдирүү берген жок.

БиБиСинин иликтөө бөлүмү BBC Verify, бир кырсыктын кесепетин көрсөтүп жаткандай көрүнгөн үч башка видеону тастыктады.

Үч видеонун тең Индиянын Пенджаб штатындагы Батхинда шаарына жакын жерде тартылгандыгы болжолдонууда.

Бир видеодо индиялык аскерлер араларында Франциянын акыркы жылдары Индия аба күчтөрү үчүн чыгарган Rafale аскердик учагынын скелетине окшогон бөлүкчөлөр да болгон металл калдыктарын чогултуп жүргөндүгү көрүнүүдө.

Ошол эле жерден түнү тартылган эки видеодо күйүп жаткан калдык жана  бир снаряддын жерде өрт чыгаргандыгы байкалууда.

Пакистандын  ырастоосун бекемдеген анализдер

Аналитиктер бул көрүнүштөрдүн абадан кол салуу же абадан салгылашуу менен дал келгендигин жана Пакистандын бир нече учакты атып түшүрдү деген ырастоолорду күчөтөрүн айтышууда.

Британ армиясынын мурдагы офицери жана Sibylline коопсуздук фирмасынын төрагасы Жастин Крамп БиБиСиге берген билдирүүсүндө буюмдардын арасында Индиянын Rafale жана Mirage 2000 учактары менен шайкеш келген Францияда жасалган абадан абага атуучу  ракетасы бар экендиигн айтты.

Социалдык медиада кеңири тараган дагы бир сүрөттө "BS001" жана "Rafale" белгилери бар куйрук канаты көрсөтүлгөн.

БиБиСинин тескерисинче, визуалдык издөө, анын ичинде жүргүзгөн текшерүүлөр сүрөттүн жаңы экенин жана мурун болгон окуядан алынбагандыгын көрсөтүүдө.