Түрк аба жолдору (Türk Hava Yolları, THY) Италиянын Серия А командасы Ювентустун Австралия боюнча турунун алкагында уюштурган атайын чартердик операциясы компаниянын тарыхындагы эң узак түз учуу катары катталды.
Flightradar24 учууларды байкоо сайтынын маалыматы боюнча, "Ювентус" командасын Австралиянын Перт шаарынан Италиянын Турин шаарына ташыган борт номери TC-LJE болгон Boeing 777-300ER учагы 13 800 километрдей аралыкты бир токтобостон басып өттү.
Перттен учуп чыккан учак болжол менен 16 саат 27 мүнөттөн кийин Туринга жетти.
Бул операция, учуу убактысы жана басып өткөн аралыгы боюнча Түрк аба жолдорунун бүгүнкү күнгө чейинки эң узак түз каттамдарынын рекорду катары катталды.
Ювентус Перттеги Inter командасына каршы ойнолгон “Derby d'Italia” беттешинен кийин Австралия программасын улантып, кайтып келүү сапары үчүн Түрк аба жолдорунан атайын чартердик кызмат алган.
Операцияда колдонулган борт номери TC-LJE болгон учак «Ювентус» командасын алып кетүү үчүн буга чейин Стамбулдан Пертке TK3700 рейси менен болжол менен 14 саат 30 мүнөттүк позициялык учушун аткарган.
