Йемендеги хуситтер Саада провинциясынын аба мейкиндигинде Сауд Арабиясынын "Тайфун" согуштук учагын жерден абага атылган ракета менен бутага алгандарын жана учакка тийгенин ырасташты.
Хуситтердин аскердик өкүлү Яхья Сери хуситтерге караштуу "Аль-Масира" телеканалында билдирүү жасады.
"Биздин куралдуу күчтөрүбүз Саада провинциясынын аба мейкиндигинде жерден абага атылган ракета менен согуштук учагын бутага алышты жана учакка түз тийди", - деген Сери, бутага алынган учак Сауд Арабиясынын "Тайфун" согуштук учагы экенин жана Сауд Арабиясынын батышындагы Таиф базасынан учуп чыкканын айтты.
Сауд Арабиясы бул маселе боюнча азырынча комментарий бере элек.
Бир тараптан хуситтерге караштуу "Аль-Масира" телеканалы Йемендин борбору Санага абадан сокку урулганын жарыялады.
Чабуулдардын натыйжалары тууралуу азырынча эч кандай маалымат бөлүшүлө элек.
Йемендеги жаңжал
Йеменде хуситтер 2014-жылдын сентябрь айында борбор шаар Сананы жана айрым провинцияларды басып алгандан бери жарандык согуш жүрүп жатат.
Өкмөттүк күчтөр менен хуситтердин ортосундагы жаңжал гуманитардык кризисти тереңдетип жаткан учурда, Сауд Арабиясы жетектеген Араб коалициясы 2015-жылдын мартынан бери эл аралык деңгээлде таанылган Йемен өкмөтүн колдоп келет.
