Террордук уюм YPGнын мажбурлоосу менен колуна курал алган жана Сирия армиясынын операциялары менен куткарлыган сириялык эки бала Анадолу агенттигине уюмдун лагерлеринде өздөрү сыяктуу бир топ баланын каалоосунун тышында кармалганын айтты.
Сирия армисынын YPGге каршы жүргүзгөн акыркы операциялары уюмдун балдарды мажбурлоо жана күч менен өз катарына алып жаткандыгына көңүлдөрдү бурду.
Уюмдун Сирия күчтөрү менен болгон кагылышууларда каза болгондорго таандык сүрөттөрдү жарыялоосу да алардын катарына көптөгөн жашы жете элек өспүрүмдөрдүн кошулганын ортого салууда.
YPG тарабынан күч менен аскерге алынганын айткан Бекир Фейиз Белеш менен Хүсам Ибрахим Жасим аттуу эки сириялык бала болгон окуяларды Анадолу агенттигине айтып беришти.
Бекир 16 жашта, Хүсам 17 жашта жана экөө тең араб тектүү.
Алардын айтымында, 2025-жылдын декабрында Түркияга мыйзамсыз жолдор менен өтүүгө аракет кылып жаткан учурда уюм тарабынан уурдалып, кийин Айн аль-Араб шаарында колдоруна курал карматылгын.
“Бизди Хасекеге алып барып, мажбурлап аскердик машыгуудан өткөрүштү”
Халептин Манбиж районунан болгон Хүсамдын айтымында, Айн-аль-Арабдан Түркияга мыйзамсыз өтүүгө аракет кылып жатканда, аларды чек арада YPG террористтери токтотушкан.
"Бизди Хасекеге алып барып, күч менен аскердик машыгуудан өткөрүштү. Курал менен коркутуп бармак издерибизди алышты. Бизге кысым көрсөтүп, машыгууга мажбурлашты. Бир ай бою саясий билим беришти. Ал эми аскердик машыгуу бир нече күнгө гана созулду", - деди ал.
Хүсам лагерде бир топ баланын куралдын күчү менен кармалганын кошумчалады.
«Биз менен болгон эки же үч адам 25 жаштарда эле. Калгандары 2007, 2008 же 2009-жылдары төрөлгөндөр», - деди Хүсам.
«Лагердегилердин көпчүлүгү 18 жашка чейинкилер болчу»
Хүсам алардын кылган мамилесине каршы чыгышканда уюм мүчөлөрү аларды сабаганын айтты.
“Биз баарыбыз уруу балдарыбыз. Ал жерде биргелешип каршылык көрсөттүк. Алар баарын жерге жаткырып алып сабай башташты”, — деди.
«Бизди машыктыргандар Хасеке арабдары эле. Алардын арасында күрттөр да бар болчу. Лагердегилердин көпчүлүгү 18 жашка чейинкилер. Көпчүлүгү качууну каалашкан. Арабызда ливандыктар да бар эле. Бир тобу уюм тарабынан камакка алынган жана күч менен бул жерге алып келинген».
Хүсам Сирия армиясынын ушул айда Евфрат дарыясынын батыш жана чыгыш жээктериндеги операцияларынан кийин YPG мүчөлөрүнүн аймактан чыгып кетишкенин айтты.
Бул учурда алар бошотулуп, Сирия күчтөрүнө багынгандарын белгиледи.
“Үч күн бою бизге нан менен помидор гана беришти”
Ушундай эле тагдырга туш болгон 16 жаштагы Бекир да Айн ал-Арабда YPG террордук уюму тарабынан кармалып, мажбурлап аскерге алынганын айтты.
Хомс шаарынан болгон Бекир аскерге алынгандан кийин Раккадагы лагерге жөнөтүлгөнүн, андан кийин бармак издери мажбурлап алынган Хасан Дарвиш аймагына алып барышканын айтты.
“Ал жерде, Раккада бизге кысым жасап, биздин бармак издерибизди алышты. Үч күн бою нан менен помидордон башка эч нерсе беришкен жок”, — деди Бекир.
Бекир дагы Сирия армиясынын операцияларынан кийин YPG мүчөлөрү аймакты таштап кеткенде эркиндикке чыгып, Сирия күчтөрүнө багынгандыгын билдирди.
