Президенттик булактардын маалыматына ылайык, Сириянын президенти Ахмед Шараа шейшемби күнү БУУнун Башкы Ассамблеясынын 81-сессиясына катышуу үчүн Нью-Йоркко сапар менен барды. Шараа бул жерде АКШдагы сириялык коомчулуктун мүчөлөрү менен жолугушту.
Жолугушууга тышкы иштер министри Асад Хасан Шейбани, өзгөчө кырдаалдар жана кырсыктарды башкаруу министри Раед ас-Салих жана башка расмий жетекчилер да катышты. Жолугушууда Шараа Сириядагы акыркы окуяларды, мурунку мезгилдеги жетишкендиктерди, өлкөнү кайра куруу жана калыбына келтирүү процессине баа берди, катышуучулардын ар кандай маселелер боюнча пикирлерин жана сунуштарын укту.
Шараа АКШдагы сириялык коомчулуктун Дамаск менен Вашингтондун ортосундагы карым - катнаштарды чыңдоодо жана өнүктүрүүдө маанилүү ролун баса белгиледи. Ошондой эле чет өлкөлөрдө жашаган сириялыктардын тажрыйбасын жана көндүмдөрүн, алардын Сирияны кайра куруу аракеттерине кошкон салымын пайдалануунун маанисин белгиледи.
Бул жолугушуу Шаранын БУУнун Башкы Ассамблеясынын 81-сессиясына катышуу үчүн дүйшөмбү күнү башталган Нью-Йоркко болгон сапарынын алкагында өттү.
Шараа БУУнун Башкы Ассамблеясына экинчи жолу катышууда.
Ал 2025-жылдын сентябрь айында 80-сессияга катышып, 1967-жылдан бери жыйынга катышкан биринчи Сирия мамлекет башчысы болгон.
