Жетекчилердин айтымына караганда Россия Украинага ракета, дрон жана башкарылуучу бомбалар менен чабуул жасады. Чабуулда сегиз адам каза болуп, ондогон адам жаракат алды.
Шаардын мэринин айтымында, ракеталар борбор Киевди да аткылап, араларында эки бала болгон 12 адам жаракат алды.
Акыркы чабуулдарда ондогон ультра ылдамдыктагы баллистикалык ракеталар колдонулуп, Украинанын абадан коргонуу системасы кыйн абалда калды.
Украинанын президенти Владимир Зеленский социалдык медиадагы билдирүүсүндө түн ичинде 120дан ашык дрон жана 12 ракета учурулганын, алардын жарымы баллистикалык ракеталар болгонун белгилеп: "Абадан кол салуу эскертүүсү берилгенден мурун эле жарандык инфраструктурага сокку урулду" деп жазды жана талкаланган имараттардын түтүнү жана урандылардын арасында иштеп жаткан куткаруучу топтун видеолорун бөлүштү.
Зеленский Киевде имараттардын, кеңселердин жана теология окуу - жайынын жабыркаганын жана башка аймактарда куткаруу иштеринин жүргүзүлүп жатканын айтты.
Түндүктөгү Сумы шаарынын мэри Артем Кобзар да Россия "башкарылуучу аба бомбаларын" колдонгон шаарга жасалган чабуулдарда беш кишинин каза болгонун билдирди.
Радардан качуу
Ишемби күнү Киевге жасалган кол салуу, абадан чабуул жасалары эскертилгенден мурун эле ракеталар аталып, бир жумадан кыска убакыттын ичинде болгон экинчи окуя болду.
Украинанын Коргоо министринин кеңешчиси Сергей Стерненко Россиянын кургактагы буталарды атууда С-400 абадан коргонуу ракеталарын колдонгон болушу мүмкүн экенин айтты жана Telegram аркылуу: "Кургактыктагы кол салууларында бул ракеталарды радар аркылуу аныктоо кыйын", - деди.
Россия жарандарды бутага алганын четке кагып, "Киевдеги аскердик-өнөр жай объектилерин жана Одессадагы порт инфраструктурасын" бутага алганын билдирди.
Жума күнү Украинанын дрондору Киевдин душмандын энергетикалык инфраструктурасын бутага алуу аракетинин негизинде Россиянын түштүгүндөгү мунай иштетүүчү заводдорго сокку урду.
