Түркиянын президенти Режеп Таййип Эрдоган, Газага гуманитардык жардам жеткирүү үчүн бараткан Глобалдык Сумуд флотилиясына жасалган Израилдин "бандитизмин" айыптады.
Эрдоган бейшемби күнү Адилеттик жана өнүгүү (АК) партиясынын облустук жетекчилеринин жыйынында сүйлөгөн сөзүндө, Израилдин эл аралык сууларда жайкын тургундарга кол салуусу "Газадагы кылмыштарын жашырууга аракет кылган акылсыздыгын дагы бир жолу далилдеди” деп билдирди.
"Геноцидчи Нетаньяху өкмөтүнүн тынчтыкты орнотуу мындай турсун, ушундай бир ыктымалдуулукка да чыдай албасы байкалды", - деп кошумчалады.
Түркиянын президенти "Глобалдык Сумуд флотилиясы дүйнөгө Газадагы зомбулукту жана Израилдин канкор жүзүн дагы бир жолу көрсөттү" деди.
Эрдоган: "Биз палестиналык бир туугандарыбызды жалгыз калтырбайбыз жана ок атышууну токтотуп, тынчтыкты калыбына келтирүү үчүн бардык күчүбүздү жумшайбыз" деп айтты.
Түрк жетекчилери флотилияга байланыштуу окуяларды кылдаттык менен байкап жатышканын жана кемедеги түрк жарандарына эч кандай зыян келтирилбеши үчүн чара көрүшкөнүн билдирди.
