Түркия Сауд Арабиясы жана Пакистан менен кол койгон биргелешкен коргонуу келишиминин "эч бир өлкөгө багытталбаганын" билдирди.

Коммуникация башкармалыгынын башчысы Бурханеттин Дуран жума күнү өлкөнүн NSosyal социалдык медиа платформасында: "Бир дагы өлкөгө багытталбаган Мекке келишими үч өлкөнүн жалпы коопсуздугун жана жамааттык токтотуусун бекемдейт, коргонуу өнөр жайынын кызматташтыгын жана аскердик өз ара аракеттенүүсүн өнүктүрөт. Аймагыбызда тынчтыкты жана туруктуулукту сактоого олуттуу салым кошот", - деп билдирди.

Дуран келишимди өлкөлөрдүн жалпы тарыхын, терең боордоштук байланыштарын жана стратегиялык негизде тилектештикке болгон күчтүү эркти мындан ары да чыңдоо жагынан тарыхый кадам катары мүнөздөдү.

Коммуникация башкармалыгынын башчысы президент Режеп Таййип Эрдогандын жетекчилиги астында күчтүү Түркия өзгөрүп жаткан жана татаал глобалдык коопсуздук чөйрөсүндө дос жана боордош өлкөлөр менен стратегиялык кызматташуу аркылуу аймактык жана глобалдык тынчтыкка, коопсуздукка жана туруктуулукка салым кошууну чечкиндүү түрдө улантарын баса белгиледи.

Дуран билдирүүсүндө бул күчтүү эрктин Түркия, Сауд Арабиясы жана Пакистан тарабынан көрсөтүлөрүн айтты. Ошондой эле ал бул боордош мамлекеттердин оор мезгилдерде биргелешип, жалпы баалуулуктарынын жана келечектеги коопсуздук архитектурасын тилектештикте курууга болгон чечкиндүүлүгүнүн ачык көрүнүшү экенин баса белгиледи.