Сириянын президенти Ахмед Шара Дамаскта Франциянын президенти Эммануэль Макрон менен өткөрүлгөн сүйлөшүүлөрдөн кийин, Сирия менен Франциянын 12 жылдык тыныгуунун артынан элчилерди кайрадан дайындоо чечимин чыгаргандарын билдирди.
Шейшемби күнү Президенттик сарайда сөз сүйлөгөн Шара Макрондун бул иш-сапарын эки өлкөнүн ортосундагы тынч жана терең биргелешкен иш алып баруу мезгилин жыйынтыктаган "тарыхый бурулуш учуру" деп мүнөздөдү.
Шара: "Бул 18 жылдык тыныгуудан кийин Франциянын президенти тарабынан жасалган алгачкы иш-сапар. Дамаск менен Париждин ортосунда элчилерди алмашуу боюнча жетишилген келишимди жарыялап жатабыз", — деген билдирүү жасады.
Сирия менен Франция өзгөчө транспорт, авиация, саламаттыкты сактоо, соода, банктык иштер жана инфраструктураны камтыган кеңири келишимдерге жана өз ара түшүнүшүү меморандумдарына кол коюшту.
Келишимдерге Шара менен Макрондун катышуусунда Президенттик сарайда кол коюлганы кабарланды.
Сирия тышкы иштер министри Асад аль-Шейбани жана Франциянын тышкы иштер министри Жан-Ноэль Барро дагы көптөгөн тармактарда эки тараптуу карым - катнаштарды чыңдоого багытталган комплекстүү алкактык декларацияга кол коюшту.
