Кыргызстандыктар мөөнөтүнөн мурда парламенттик шайлоо үчүн добуш берип жатышат
Кыргызстанда электрондук өкмөт аркылуу онлайн добуш берүү башталды.
Кыргызстандын жарандары мөөнөтүнөн мурда парламенттик шайлоо үчүн шайлоо участокторуна бара башташты
Кыргызстанда электрондук өкмөт аркылуу онлайн добуш берүү башталды.
Кыргызстандын жарандары кийинки беш жылга кызмат кыла турган парламент мүчөлөрүн шайлоо үчүн шайлоо участокторуна барышты.
Өлкө ичинде электрондук өкмөт аркылуу онлайн добуш берүү мезгили башталды.
«Түндүк» деп аталган электрондук өкмөт системасы аркылуу шайлоодо онлайн добуш берүү биринчи жолу ишке ашырылды.
Өлкө боюнча 2429 шайлоо участогунда жана чет өлкөлөрдөгү 100 шайлоо участогунда катталган 4 294 243 шайлоочу жергиликтүү убакыт боюнча саат 8:00дө (Түркия убактысы боюнча саат 5:00дө) добуш бере башташты.
Шайлоочулар катталган шайлоо участогунда инсандыгын тастыктоочу документтерин көрсөтүү менен жана башбармактын издерин текшерүү шарты менен электрондук түрдө добуш бере алышат.
18 жаштан жогорку жана биометрикалык каттоодон өткөн бардык кыргыз жарандары шайлоодо добуш бере алышат. Добуш берүү саат 20:00дө аяктайт.
Кыргызстандын Борбордук шайлоо комиссиясынын (БШК) төрагасы Тынчтык Шайназаров онлайн добуш берүүнү жеке өзү текшерип көрдү.
Шайназаров башка аймакта катталгандыктан, «Түндүк» электрондук өкмөт платформасы аркылуу онлайн добуш берди.
Ал журналисттердин көзүнчө кайрадан добуш берүүгө аракет кылганда, система ага жол бербей, кош добуш берүүгө жол берилбегенин тастыктады.
ТРТнын Түркия үнү радиосуна жана Кыргызстандын Улуттук теле-радио компаниясына маек куруп берген Кыргыз Республикасынын Түркиядагы атайын жана толук ыйгарым укуктуу элчиси Руслан Казакбаев мырза Түркияда 8 шайлоо участогу ачылганын билдирди.
Элчи Казакбаев: «Түркиядагы консулдук каттоолордо Кыргызстандын 33 миң кыргыз жараны турат. Ал эми жалпысынан 45 миңдей жаран бар»,-деп билдирди.
2025-жылдын 30-ноябрында Анкара убактысы боюнча саат 8:00дө (Бишкек убактысы боюнча 11:00дө) Кыргыз Республикасынын Түркия Республикасындагы Элчилигинде Кыргыз Республикасынын Жогорку Кеңешине депутаттарды мөөнөтүнөн мурда шайлоодо добуш берүү үчүн №9036 шайлоо тилкеси ачылды.
Шайлоо тилкесинин иши Кыргыз Республикасынын Мамлекеттик гимнинин аткарылышы менен башталды, андан кийин тилкенин шайлоо комиссиясынын мүчөлөрү ишке киришти.
Кыргыз Республикасынын Түркия Республикасындагы Атайын жана Ыйгарым укуктуу Элчиси Р.А. Казакбаев Анкарада Кыргыз Республикасынын Жогорку Кеңешинин депутаттарын шайлоодо биринчи болуп добуш берди.
Белгилей кетсек, Түркиянын аймагында Кыргызстандын жарандары үчүн жалпысынан 8 шайлоо тилкеси ачылды:
1. №9036 шайлоо тилкеси — Кыргыз Республикасынын Түркия Республикасындагы Элчилиги, Анкара ш. (Turan Güneş Bulv. Galip Erdem Caddesi No:25, Yıldız/Oran Ankara 06450);
2. №9077 шайлоо тилкеси — Түркия Республикасынын Кайсери ш. ( Hunat mahallesi, Yıldız geçidi sokağı No:5 Kat:2 Melikgazi/Kayseri.);
3. №9078 шайлоо тилкеси — Түркия Республикасынын Эскишехир ш. (Şarkiye mahallesi Işıklar Sk. No:14 Odunpazarı/Eskişehir);
4. №9035 шайлоо тилкеси — Кыргыз Республикасынын Стамбул ш. Башкы консулдугу (Lamartin Caddesi No:7, Taksim, 34437 Beyoğlu, İstanbul);
5. №9079 шайлоо тилкеси — Түркия Республикасынын Бурса ш. (Ahmet Vefik Paşa, Hünkar Cd. No:8, 16450 Kestel/Bursa);
6. №90 80 шайлоо тилкеси - Түркия Республикасынын Измир ш. (Fahrettin Altay mahallesi Mithatpaşa caddesi no:1201/A Karabağlar/İzmir);
7. №9056 шайлоо тилкеси - Кыргыз Республикасынын Анталия ш. Башкы консулдугу (Muratpaşa, Güzeloba Mahallesi, Doktorlar Sitesi, Barınaklar Bulvarı No:138);
8. №9081 шайлоо тилкеси — Түркия Республикасынын Алания ш. (Mahmutlar Mahallesi, Yangılı Caddesi 9A/2).
Түркиянын аймагындагы шайлоо участоктору жергиликтүү убакыт боюнча саат 20:00гө чейин ачык болот. Элчилик Кыргызстандын ар бир жаранын конституциялык шайлоо укугун ишке ашырууга чакырат.