Иран бийлиги кечээ кечинде башталып, таңга чейин уланган АКШнын Иранга жасаган чабуулдарынан кеминде 18 адам каза болуп, 76 адам жаракат алганын билдирди.
Хормозган губернаторунун орун басары Ахмед Нефиси, Сирик районундагы Кухештек шаарында үйлөнүү үлпөтү өтүп жаткан турак жайга АКШнын сокку уруусунан төрт адам каза болуп, 68 адамдын жаракат алганын кабарлады.
Хузистан губернаторунун орун басары Валиулла Хаяти болсо кечээ кечинде провинциядагы үч жерге жасалган ракеталык чабуулдарда жети адам каза болуп, сегиз адам жаракат алганын маалымдады.
Революциялык гвардия корпусунун билдирүүсүндө да Керманшах провинциясында Аэрокосмостук командачылыктын төрт жоокери, ал эми Лаван аралына жасалган чабуулда Басиж күчүнүн үч согушкери каза болгону айтылды.
АКШнын Борбордук командачылыгы (CENTCOM) кечээ кечинде Ирандын Революциялык гвардия корпусу буталарына каршы чабуул баштаганын жарыялаган.
