Түрк Куралдуу Күчтөрү (TSK) менен Сирия армиясынын кызматташтыгында Сириядагы Евфрат дарыясынын эки жээгин бириктирген калкып жүрүүчү көпүрөнүн курулушу аяктады.
Түркиянын Дамасктагы элчиси Нух Йылмаз X социалдык медиа баракчасындагы билдирүүсүндө, Сириядагы Евфрат дарыясында жайгашкан көпүрө 30-август Жеңиш күнүндө бүткөрүлгөнүн билдирди.
Элчи Йылмаз Түрк Куралдуу Күчтөрү менен Сирия армиясынын кызматташтыгында курулган көпүрө суу ташкынында талкаланган эски көпүрөнүн ордуна салынганын белгиледи.
Йылмаз: "Түркия жана Сириянын куралдуу күчтөрү тынчтыкта да келечекти чогуу куруп жатышат", - деди.
Сириянын коргоо министри Мурхаф Абу Касра да X баракчасындагы билдирүүсүндө көпүрө Дейр-эз-Зор элинин транспорттук түйшүгүн жеңилдетүү үчүн курулганын маалымдады.
Абу Касра: "Мен бир тууганым, Түркиянын коргоо министри генерал Яшар Гүлерге өлкөлөрүбүздүн ортосундагы ишенимди жана кызматташтыкты чыңдоодогу жигердүү аракеттери үчүн чын жүрөктөн ыраазычылык билдирем", - деди.
