Киевдин мэри Виталий Кличко Орусиянын кечээ шаарга жасаган чабуулунан каза болгондордун саны 30га жеткенин кабарлады.
Социалдык медиадагы постунда Кличко кечээ орус армиясынын Киевге жасаган катуу аба соккуларынан кийин жүргүзүлүп жаткан издөө-куткаруу иштери тууралуу маалымат берди.
Акыркы маалыматтарга ылайык, каза болгондордун саны 30га жетти жана издөө-куткаруу иштери уланууда.
Ал ошондой эле жаракат алгандардын саны 92ге жеткенин, учурда 4 бала менен кошо 56 адам дарыланып жатканын билдирди.
- Киевде "Аза күтүү күнү" жарыяланды
Виталий Кличко кечээ кол салуудан каза болгондорго байланыштуу Киевде 3-июль жума күнү үчүн аза күтүү күнү жарыяланганын айткан эле.
Ошол эле учурда Украинанын Мамлекеттик Өзгөчө кырдаалдар кызматынын (DSNS) социалдык медиа аккаунтунан берилген жазуу жүзүндөгү билдирүүдө, бүгүн кечинде Сумы, Днепропетровск жана Харьков аймактарында Орусиянын аба соккуларынын натыйжасында беш адам, анын ичинде бир бала каза болуп, 19 адам жаракат алганы айтылды.
