Хиллари Клинтон Трамптын администрациясын Эпштейн документтерин "жаап-жашырып" жатат деп айыптады. Би-Би-Синин маалыматына караганда, Берлиндеги жылдык Дүйнөлүк форумга катышкан АКШнын мурдагы мамлекеттик катчысы шейшемби күнү Би-Би-Сиге берген маегинде: "Документтерди жарыялагыла. Алар процессти жайлатып жатышат", - деп билдирди.

Сексуалдык кылмышкер катары соттолгон Жеффри Эпштейн адам аткезчилиги боюнча федералдык айыптоолордон улам жоопко тартылууну күтүп жатканда 2019-жылы Нью-Йорктогу түрмөдө өз жанын кыйган.

Клинтон жубу Конгресстин комитетинин алдында көрсөтмө беришет. АКШнын мурдагы президенти Билл Клинтон 27-февралда, ал эми Хиллари Клинтон бир күн мурун көрсөтмө берет.

Эпштейн документтеринде аты аталган Билл Клинтон Эпштейн менен жолукканын, бирок аны менен болгон байланышын дээрлик жыйырма жыл мурун үзгөнүн айтты.

"Жашыра турчу эч нерсе жок"

Хиллари Клинтон BBCге: "Биз көрсөтмө берүү үчүн келебиз, бирок муну коомдук пикирге ачык карганы жакшы деп ойлойбуз", - деди.

«Мен жөн гана адилеттүү болушун каалайм», - деген Клинтон: «Баарына бирдей мамиле кылынышын каалайм. Жашыра турчу эч нерсебиз жок. Бул файлдардын толугу менен жарыяланышын бир нече жолу талап кылдык» деп кошумчалады.

Хиллари Клинтондун BBCге берген маегиндеги комментарийлери тууралуу суралганда Трамп жашыра турган эч нерсеси жок экенин айтты.

Трамп: «Мен акталдым. Жеффри Эпштейн менен эч кандай байланышым жок болчу. Алар бир нерсе табууга үмүттөнүп, иликтөө жүргүзүштү, бирок тескерисинчесин табышты. Аларды да ошого тартып жатышат. Бул алардын көйгөйү... Клинтон жана көптөгөн демократтар бул процесске тартылып кетишти», - деди.