Түркия, түрк порттору Рум кемелерине ачылып, мунун ордуна ишкерлер үчүн ЕБ визалары жеңилдетилет деген айтымдарды четке какты.
“Рум медиасында, ишкерлерибизге Европа Биримдигине виза жеңилдиги үчүн түрк портторунун Рум кемелерине ачыла турганы жөнүндөгү кабарлар «ойдон чыгарылган нерсе,” – деп Түркиянын Тышкы иштер министрлигинин өкүлү Өнжү Кечели дүйшөмбү күнү X платформасында билдирди.
Түркия, Кипрдин Рум башкаруусунун бүткүл аралдын өкмөтү сыяктуу мамиле кылып коңшусу Түндүк Кипр Түрк Республикасын (ТКТР) эске албай жатканына каршы чыгууда.
2004-жылы өткөрүлгөн референдумда Кипрдин Рум башкаруусу, аралды бириктирүүгө багытталган БУУнун планын четке каккан. Бул окуядан кийин ошол эле жылы Евробиримдикке кирген Кипрдин Рум башкаруусу бүткүл аралдын өкүлүмүн деп жалган сөздөрдү айткан.
