Балтика өлкөсү Эстониянын парламенти юрист Юлле Мадизени жаңы президент кылып шайлады.
Жаңы президентти шайлоо үчүн 101 орундуу Эстония парламентинде добуш берүү өткөрүлдү.
Жашыруун добуш берүүдө жалгыз талапкер катары катышкан Мадизе 71 добуш алып, жаңы президент болуп шайланды.
Аны колдоп, ишеним көрсөткөндөргө ыраазычылык билдирген Мадизе: "Мен бул ишенимди актоо үчүн колумдан келгендин баарын жасайм. Бири-бирибизди түшүнүү менен, зарыл болгон учурда катуу талашып-тартышсак да бири-бирибизди колдоп, Эстония үчүн биргелешип чоң ийгиликтерге жетише алабыз жана Эстония бактылуу, гүлдөп-өнүккөн жана коопсуз өлкө болот деп үмүттөнөм", - деди.
51 жаштагы юрист Мадизе 2015-жылдан бери Эстониянын конституциялык көзөмөл жана омбудсмен кеңсесинин юстиция канцлери болуп иштеп келген.
Мадизе 12-октябрда ант бергенден кийин беш жылдык мөөнөтүн расмий түрдө баштайт.
Эстониянын азыркы президенти Алар Карис экинчи мөөнөткө ат салышпай турганын билдирген эле.
