Түркия Республикасынын Президенти Режеп Таййип Эрдоган социалдык медиа баракчасында төмөнкүдөй билдирүү жасады:
“Мен АКШ менен Ирандын ортосундагы келишимди аймагыбызда тынчтыкты жана бейпилдикти орнотуу жагынан маанилүү кадам катары эсептеп кубаттайм.
Бүткүл дүйнө көптөн бери муктаж болуп келген бул жаңылык биздин аймакта туруктуу тынчтыкты жана коопсуздукту орнотууга салым кошот деп чын жүрөктөн үмүттөнөм.
Келишимге кол коюуга чейинки мезгилде риторикадан, провокациядан жана чыңалууну күчөтө турган аракеттерден алыс болуу жана ыктымалдуу саботажга каршы кылдат болуу зарылдыгын баса белгилейм.
Бул натыйжага жетүүдөгү өзгөчө ортомчулук аракеттери үчүн Америка Кошмо Штаттарынын жана Ирандын, айрыкча Пакистандын жетекчилигине ыраазычылык билдирем.
Ошондой эле Катар менен Сауд Арабиясынын дипломатиялык демилгелерге көрсөткөн колдоосу үчүн рахмат айткым келет.
Түркия катары биз аймагыбызда тынчтыкты, туруктуулукту жана бейпилдикти орнотууга багытталган бардык аракеттерди колдоону улантабыз, дипломатияга жана эл аралык укукка негизделген туруктуу чечимдерге салым кошобуз”.
