Ирандын тышкы иштер министри Аббас Аракчи ортомчулар аркылуу АКШга билдирилген сунуштардын жообун күтүп жатканын белгилеп, өзөктүк маселе боюнча эч бир жеңилдикке барбаганын жана сүйлөшүүлөрдүн бир гана Ормуз кысыгына багыталганын айтты.
IRNA расмий кабар агенттигинин билдиргение караганда Нью‑Йоркто басма сөзгө маалымат берген Аракчи АКШ менен ортомчулар аркылуу уланып жаткан кат алышууга байланыштуу маалымат берди.
Кечээ катардык ортмчулар менен жолугушканын айткан Аракчи Ирандын шарттарынын аткарылышына карата пикир алышкандарын жана АКШнын акыркы жообун күтүп жатканын билдирди.
Аракчи: “Катар бул пикирлерди АКШга билдирет жана эртеңкиге чейин жооптун кеоерин ойлоп жатабыз. Бир жооп келгенден кийин Тегеранда чечим чыгарылат”,- деди.
«Өзөктүк маселе боюнча эч кандай сүйлөшүү болгон жок»
Эл аралык басма сөздө: "Иран өзөктүк маселе боюнча жеңилдиктерге барат" деген маалыматтарды четке каккан Аракчи: "Ирандын позициясы өзгөргөн жок; бул маселе боюнча (өзөктүк маселе) эч кандай талкуу болгон жок. Учурдагы талкуулар Ормуз кысыгына тиешелүү", - деп билдирди.
Аракчи ошондой эле Ормуз кысыгынын АКШ Ирандын шарттарын аткарган учурда гана ачылаарын билдирди.
Ирандын диний лидери Мужтаба Хаменеинин белгилүү бир шарттары бар экенин жана Ормуз кысыгынын ачылышы ушул шарттардын аткарылышынан көз каранды экенин айткан Аракчи: "Ирандын шарттары толугу менен адилеттүү жана логикалуу. Эгерде америкалыктар келишимди колдойбуз деп айтышса же тынчтык жолу менен чечим издеп жатабыз деп билдирсе, биз ал чечимди сунуштайбыз", - деди.
