Түркия Колумбиянын Голан дөңсөөлөрүндөгү Израилдин оккупациясын мыйзамдаштырууга багытталган билдирүүсүн «катуу» айыптап, бул аймак Сириянын ажырагыс бөлүгү экендигин белгиледи.

Тышкы иштер министрлиги шейшемби күнү расмий сайтында жарыялаган билдирүүсүндө: «Бириккен Улуттар Уюмунун Коопсуздук Кеңешинин 497-резолюциясы баш болгон эл аралык укукту одоно бузган мындай аракеттердин эч кандай юридикалык күчү жок», — деп баса белгиледи.

Министрликтин билдирүүсүндө, Израилдин Голан дөңсөөлөрү сыяктуу Сириянын түштүгүн оккупациялоосун жана өлкөнүн эгемендигине жана туруктуулугуна багытталган чабуулдарын токтотуу үчүн эл аралык коомчулуктун өз милдетин аткарууга чакырыгы кайталанып: "Түркия Сириянын аймактык бүтүндүгүн жана эгемендигин сактоого жана өлкөдө туруктуу тынчтык жана туруктуулукту орнотууга колдоосун улантат",- деген сөздөр айтылды.

Эл аралык укуктун бузулушу

Дүйшөмбү күнү Колумбия 1967-жылдан бери Израилдин аскердик оккупациясында турган Сириянын Голан дөңсөөлөрүнө Израилдин "эгемендигин" расмий түрдө тааныды.

Сирия, Сауд Арабиясы, Египет жана Катар сыяктуу бир катар аймактык өлкөлөр менен бирге бул чечимди айыптап, эл аралык укукту жана БУУнун тиешелүү резолюцияларын бузуу деп мүнөздөп айыпташты.

1981-жылы Израиль тарабынан бир тараптуу аннексияланган Голан дөңсөөлөрү эл аралык талаш-тартыштардын чордону болууну улантууда.

Колумбиянын Израиль жактоочусу жаңы президенти Абелардо де ла Эсприелла жакында Палестинада элчилик ачуу планын токтото турууну буйрук кылды.