Президент Режеп Таййип Эрдоган, Түркия менен АКШнын ортосундагы 100 миллиард долларлык соода көлөмү «орток максатыбыз бойдон калууда»,-деди.
Дүйшөмбү күнү Нью-Йоркто Түркия-АКШ Ишкерлер Кеңеши тарабынан уюштурулган түрк инвестиция конференциясында сөз сүйлөгөн Эрдоган, Анкара менен Вашингтондун жеке сектордун колдоосу жана жаңы инвестициялык демилгелер аркылуу 100 миллиард долларлык соода максатына жете турганына ишенгенин билдирди.
Түркия-АКШ коргоо өнөр жайындагы кызматташтык альянстын духуна ылайык мүмкүн болушунча тез арада тоскоолдуктардан жана чектөөлөрдөн арылышы керектигин айтты.
Эрдоган "Энергетика, кибер коопсуздук жана космос сыяктуу тармактарда кызматташуу мүмкүнчүлүктөрүн пайдаланып эки тараптуу мамилелердеги темпти тездетүүнү күтөбүз", - деп баса белгиледи.
"Түркияны инвесторлор үчүн жагымдуураак кыла турган ачык-айкын, атаандаштыкка жөндөмдүү жана коопсуз рынок чөйрөсүн күчтөндүрүү үчүн кадамдарды жасоону улантып жатабыз", - деди.
Ошондой эле Түркиянын күчтүү логистикалык инфраструктурасы, заманбап порттору жана өнүккөн авто жол жана темир жол тармактары өлкөнү инвесторлор үчүн стратегиялык борборго айландырганын кошумчалады.
