ДҮЙНӨ
2 мүнөт окуу
Сара Маллалли Британия чиркөөсүнүн биринчи аял лидери болду
Британиянын 108 епискобунун 40тан ашыгы азыр аялдардан турат, дин кызматкерлеринин арасында да ушундай эле катыш бар. Аялдардын чиркөөдө кызмат кылышына биринчи жолу 1990 - жылдардын башында уруксат берилди.
Сара Маллалли Британия чиркөөсүнүн биринчи аял лидери болду
63 жаштагы Муллалли Кентербери чиркөөсүнүн 106-архиепискобу болду. / Сүрөт: Reuters / Reuters
4 Октябрь 2025

Сара Маллалли Англия чиркөөсүнүн Кентербери епискобу болуп дайындалып, бул кызматка келген биринчи аял болду. Британия чиркөөсүнүн теги Рим империясына чейин барса да, бул дайындоо дүйнө жүзүндөгү англикан коомчулугу үчүн да бир бурулуш жери болду.

Британия өкмөтү ушул жылдын башында кыянаттык кылгандыгы үчүн кызматтан кеткен Жастин Уэлбинин ордуна Маллаллинин талапкерлиги комитет тарабынан сунушталып, король Чарльз III тарабынан жактырылганын билдирди.

Британия чиркөөсү дүйнөлүк англиканизмдин башкы чиркөөсү катары белгилүү. 63 жаштагы Маллалли чиркөөнүн 106-Кентербери епископу болду. Биринчи епископ 6-кылымдын аягында дайындалган.

Мурунку медайым Маллалли билдирүүсүндө, жаңы ролунун "чоң жоопкерчилик" экенин моюнга алды, бирок ал бул милдетти "Кудайга болгон ишеним жана тынчтык" сезими менен аткарарын билдирди.

Премьер-министр Кир Стармер бул кызматка келген биринчи аял болгон Маллаллинин дайындалышын ыраазычылык менен кабыл алды. Стармер: "Британия чиркөөсү бул өлкө үчүн чоң мааниге ээ. Чиркөөлөр, соборлор, мектептер жана кайрымдуулук уюмдары биздин коомдун ажырагыс бөлүгү", - деп кошумчалады жана жаңы архиепископтун "улуттук жашообузда маанилүү роль ойнойт» деп кошумчалады.

Уэлби чиркөөнүн 1970-жылдардагы бир катар кыянаттык иштерди жаап-жашырганын жана 2013 – жылы бул окуялар тууралуу билсе да  бийликке билдирбегени ачыкка чыккандан кийин кызматынан кетти.

Көз карандысыз иликтөөгө ылайык, 1970-1980-жылдары евангелисттик жайкы лагерлерди башкарган юрист Жон Смит 130га жакын эреке балага ыдык көрсөткөн.

Смит 2018-жылы Түштүк Африкада 75 жашында каза болгон. Британ полициясы тарабынан тергөө жүргүзүлгөнүнө карабастан,  эч качан кылмыш жоопкерчилигине тартылган эмес.

Бул чыр  - чатак Британияны дүрбөлөңгө салып, Британия чиркөөсүндө реформа жүргүзүү чакырыктарын да алып келди.

Британия монархиясынын башчысы, тагыраак айтканда, король III Чарльз Британия чиркөөсүнүн эң жогорку башкаруучусу болуп саналат.

Англия чиркөөсүнүн 20 миллионго жакын вафтиз мүчөсү бар, бирок 2022-жылдагы маалыматтарга ылайык, чиркөө менен үзгүлтүксүз катышкандардын саны бир миллиондон аз.

Маллалли узакка созулган тандоо процессинен кийин король Король III Чарльз тарабынан дайындалган. Бул процесс Британиянын ички коопсуздук кызматы MI5тин мурдагы башчысы тарабынан башкарылган.

Англикан чиркөөсү 1530-жылдары король Генрих VIII Рим-католик чиркөөсүнөн бөлүнгөндөн кийин мамлекеттин расмий чиркөөсү болду.

Маллалли 2002-жылы дин кызматчысы болуп дайындалып, 2018-жылы Лондондун биринчи аял епискобу болгон. Чиркөө көп жылдык талаш-тартыштардан кийин 2014-жылы аялдардын епископтук кызматты аткаруусуна уруксат бере баштаган.

Англикан дүйнөсүндөгү кээ бир чиркөөлөр көптөн бери аялдарга бул кызматты аткарууга уруксат берүүдө.

Биринчи аял епископ 1989-жылы Америка Кошмо Штаттарында дайындалган. Британиядагы 108 епископтун 40тан ашууну азыр аялдардан турат жана дин кызматкерлеринин арасында да ушундай эле катыш бар.

Аялдарга биринчи жолу 1990-жылдардын башында чиркөөлөрдө кызмат кылууга уруксат берилген.

Иликте
Түркия Конго Демократиялык Республикасы жана Руанда ортосундагы тынчтык келишимин кубаттады
Израиль күчтөрү Сириянын Кунейтра элет жерине жаңы кургактагы операция жүргүздү
Азиядагы селдерде каза болгондордун саны  1500дөн ашты
Тышкы иштер министри Фидан 23-Доха форумуна катышат
Путин менен Моди АКШнын кысымы күчөгөн учурда Нью-Делиде соода жана Украинадагы согушту талкуулашты
Түркия Кара деңиздеги кол салуулар боюнча Украинанын жана Орусиянын элчилерин чакыртты
"Эл аралык коомчулук аймактык туруктуулукту коркуткан Израилге каршы аракетке өтүшү керек"
Израилдик күчтөр оккупациядагы Батыш Шериада беш тарыхый экспонатты тартып алышты
Вьетнамда сел эки адамдын өмүрүн алып, ондогон жер көчкүлөр жүрдү
Газадагы ок атышпоого карабастан Израиль 2026-жылга коргонуу бюджетин 34 миллиард долларга көтөрдү
Бельгия өз аймагында жашаган 19 шектүү сириялык согуш кылмышкерин иликтеп жатат
АКШ саякаттоого тыюу салууну 30дан ашык өлкөгө кеңейтиши мүмкүн
Евровидение 2026 сынагындагы нааразычылык толкуну: Израилдин катышуусу нааразычылыкты жаратты
Петро: Колумбияны баңгизатка каршы күрөш шылтоосу менен коркутуп жатышат
Чыгыш Тынч океанда банги зат ташыганы айтылган кемеге жасалган кол салуусунда төрт киши каза болду