Газа тилкесинде ок атышууну токтотуу боюнча сүйлөшүүлөргө катышкан израилдик саясий булак ишемби күнү билдирүү жасап, Тель-Авивдин биринчи жолу Хамас менен согушту токтотуу мүмкүнчүлүгү боюнча сүйлөшүүлөрдү жүргүзүп жатканын айтты.
Haaretz басылмасынын маалыматына ылайык, булак: "Бул сүйлөшүү мурунку келишимдерди түзгөн сүйлөшүүлөрдөн айырмаланып турат. Мурунку келишимдер барымтадагыларды бошотууга байланыштуу болгон болсо, бул келишим согушту токтотууга багытталган. Ушул себептен баары бири-бири менен байланыштуу. Бул абдан татаал келишим”,- деп билдирген.
Булактын айтымында, сунушталган келишимдин 10 израилдик барымтанын бошотулушу, согушту токтотулушу үчүн сүйлөшүүлөр баштала турган 60 күндүк ок атышпоону камтыйт.
Булак өзгөчө : “Сүйлөшүүлөр согуш кандай аяктайт же улантылары, Газада эмнелердин болору, бардык барымталардын кантип кайтары сыяктуу темалар каралууда. Келишимдин алкагында согуштун токтотулушу тууралуу талкуулана турган темаларды камтыган бир берене бар. Эки тарап тең башка темаларды кошо алат жана булар 60 күндүк ок атышпоо процессинде талкууланат”,- деди.
Кайнак: "Израилдик делегация Дохага кеңири ишмердүүлүк чөйрөсү жана канааттандырарлык ыйгарым укуктар менен барды. Израилдин коопсуздук муктаждыктары сыяктуу маселелерден баш тартпастан, келишимге жетишүү үчүн жетиштүү ийкемдүүлүк бар", - деп билдирди.
Ок атышпоо
Израилдик маалымат каражаттары, анын ичинде мамлекеттик KAN телеканалы жума күнү Израиль Палестина тарабы келишимдин чоо-жайын талкуулоого макул болсо, Дохага экинчи делегация жөнөтүүнү караштырып жатканын билдирди. Катар, Египет жана АКШнын ортомчулугу менен сунушталган сунуштар 60 күндүк ок атышууну токтотууну камтыйт. Бул убакыт аралыгында 10 барыита бошотулуп, 18 сөөк кайтарылат жана ок атышууну токтотуу учурунда согушту токтотуу боюнча акыркы сүйлөшүүлөр улантылат.
Израилдин телерадиокомпаниянын билдиргенине караганда жардам жеткирүү механизми жана Израиль аскерлеринин жайгаштырылышы сыяктуу темалардагы айырмачылыктарга карабастан израилдик булактар келишимдин мүмкүн эмес экенин ойлоп жатышат.
АКШнын президенти Дональд Трамп жума күнү кечинде Газадагы 10 барымтанын жакында бошотуларын жарыялады. Башкаруусу Израилдин Газадагы геноцид согушуна шартсыз жардам берген Трамп бул тууралуу маалымат берген жок.
Акыркы 21 айда Израиль менен Хамастын арасында ок атышкоо келишимин түзүү жана туткундарды алмашуу үчүн бир нече кыйыр сүйлөшүүлөр өткөрүлдү.
Согушту кайра баштоо
2023-жылдын ноябрь жана январь айларында эки жарым-жартылай келишим түзүлгөн. Эл аралык кылмыш соту тарабынан издөөдө жүргөн Израилдин премьер-министри Биньямин Нетаньяху акыркы келишимди аяктоодон качып, 18-мартта согушту кайра баштады.
Хамас геноцидди токтотуу жана Израилдин Газадан толугу менен аскердик күчтөрүн чыгарып кетүү шарты менен бардык израилдик туткундарды "бир эле жолкуда" бошотууга даяр экенин бир нече жолу билдирген.
Эл аралык коомчулуктун ок атышууну токтотуу чакырыктарын четке каккан Израиль армиясы 2023-жылдын аягынан бери Газадагы кандуу чабуулдарын улантып, 59 миңге жакын палестиналыкты өлтүрдү алардын көбү аялдар жана балдар.
Былтыр ноябрь айында Эл аралык кылмыш соту Нетаньяху менен мурдагы коргоо министри Йоав Галлантты Газадагы согуш кылмыштары жана адамзатка каршы кылмыштары үчүн камакка алууга ордер чыгарган. Израилдин аймактагы согушу үчүн Эл аралык Сотто геноцид иши да каралууда.
