Ирандын Тышкы иштер министрлиги шаршемби күнү АКШны Кувейт менен Бахрейндеги базаларынан Ормуз кысыгындагы Иранга таандык мунай танкерине жана Кешм аралындагы байланыш мунарасына чабуул жасоо менен айыптады.
Жарым-расмий Fars маалымат агенттиги жарыялаган билдирүүдө министрлик танкер жана байланыш объектине карата «террорист АКШ армиясынын агрессивдүү аракетин" "кескин айыптай турганын" билдирди.
Министрлик чабуулдардын шаршемби күнү эртең менен "аймактагы эки өлкөдөн" баштатылганын айтып, Кувейт менен Бахрейнди көрсөттү.
Министрлик, Вашингтонду Иранга каршы аскердик чабуулдарды жасоо үчүн аймактагы өлкөлөрдүн жерлерин жана объектилерин пайдаланууга айыптап, Кувейт жана Бахрейн өкмөттөрүнүн чабуулдар тууралуу “түздөн-түз жана ачык жоопкерчилик” тартарын билдирди.
Министрлик кол салуулар 8-апрелдеги ок атышууну токтотуу режимин бузганын жана "мамлекеттердин аймактык бүтүндүгүнө же саясий эгемендүүлүгүнө каршы күч колдонууга тыюу салган эл аралык укукту жана БУУнун Уставынын 2(4)-беренесин бузганын" билдирди.
Министрлик: "БУУнун Башкы Ассамблеясынын 3314-резолюциясына ылайык, мындай жүрүм-турум Иранга каршы агрессия актысы деп эсептелет", - деп билдирди.
АКШ менен Израилдин февраль айынын аягында Иранга абадан сокку уруп, ошол кездеги диний лидер Али Хаменеи жана көптөгөн жогорку даражалуу аскердик командирлер менен өкмөт өкүлдөрү баш болгон 3 миңден ашуун адам каза болуп, аймактык чыңалуу курчуган.
Пакистан ортомчулук кылган ок атышууну токтотуу келишими 8-апрелде күчүнө кирди, бирок кеңири макулдашууга жетүү аракеттери ушул кезге чейин ийгиликсиз болду.
