Бириккен Улуттар Уюмунун баш катчысы Антониу Гутерриш сегиз ай мурун жарыяланган ок атышууну токтотуу келишимине карабастан, Газада "терең белгисиздик жана чоң гуманитардык кыйынчылыктын" уланып жатканын эскертти.
Гутеррештин билдирүүсү октябрь айында ишке кирген АКШнын ортомчулугундагы ок атышпоого карабастан Израилдин Газага карата кандуу чабуулдарын улантып жаткан учурда айтылды.
Газадагы Палестина саламаттык сактоо министрлигинин маалыматы боюнча, ок атышпоо башталгандан бери Израилдин соккуларынан кеминде 981 палестиналык каза болуп, 3 104 адам жаракат алды.
Израилдин 2023-жылы Газада геноциди башталгандан бери кеминде 72 991 палестиналык каза болду.
Балдарды коргоого болгон талаптар
Бириккен Улуттар Уюмунун Балдар фонду (ЮНИСЕФ) Газа жана оккупациядагы Батыш Шериада көптөгөн балдардын өлүмүнө жана жаракат алышына себеп болгон акыркы кол салуулардан кийин Израилди "палестиналык балдарды коргоо үчүн чечкиндүү кадамдарды таштоого" чакырды.
ЮНИСЕФтин Жакынкы Чыгыш жана Түндүк Африка боюнча директору Эдуард Бейгбедер оккупация астындагы Батыш Шериада Эл Халил жакындарында 7 айлык ымыркайды өлтүргөн куралдуу кол салууга жана жуманын акырында Газада жаслаган Израиль кол салууларында 8 баланын өлтүрүлүшүнө көңүлдөрдү бурду.
Бейгбедер билдирүүсүндө: "Мунун жаңы нормага айланышына жол бере албайбыз. Зордук-зомбулуктун айынан балдардын өмүрү кыйылышы дүйнөлүк деңгээлде нааразычылыкты жаратып, айыпталышы керек", — деди.
Бейгбедер балдар өлтүрүлгөн же майып кылынган ар бир учурда Израиль бийлигине карата “ачык, ишенимдүү жана кылдат иликтөөлөрдү жүргүзүүгө, ошондой эле күнөөлүүлөрдүн жоопкерчилигин камсыз кылууга" чакырды.
Укук коргоо уюмдары Израиль аскерлери да отурукташуучулардын палестиналыктарга, жарандар менен балдарга карата кол салуулардагы ролун териштирүү тууралуу Израилдин системалуу түрдө ийгиликсиз болгонун документтештирди.
